Astana memlekettik qyzmeti habynyń Basqarýshy komıtetiniń tóraǵasy Álıhan Baımenov pen Birikken Ulttar Uıymy Bas hatshysynyń ókili, BUU Ońtústik-Ońtústik yntymaqtastyq keńsesiniń dırektory (UNOSSC) Horhe Chedıek myrza yntymaqtastyqty tereńdetý týraly almasý hatyna qol qoıdy.
Qujat Chedıek myrzanyń Konsýltatıvtik keńestiń tóraǵasy bolyp qosa atqaratyn Memlekettik qyzmettegi ınnovasııalary boıynsha Ońtústik-Ońtústik jelisimen (SSN4PSI) yntymaqtastyqty keńeıtýge baǵyttalǵan.
Aıta keteıik, 2014 jyly Astana memlekettik qyzmet haby aımaqtyq jáne aımaqaralyq Ońtústik-Ońtústik yntymaqtastyqty damytýǵa qosqan úlesi úshin BUU-nyń arnaıy syılyǵymen marapattaldy.
Aımaqtyq jáne aımaqaralyq seriktestikter arqyly Turaqty damý kún tártibin alǵa jyljytýdaǵy ortaq múddeler men maqsattardy bólise otyryp, eki uıym memlekettik qyzmet kórsetý salasyndaǵy ınnovasııalar boıynsha Ońtústik-Ońtústik yntymaqtastyǵyn nyǵaıtýdyń birlesken josparyn jasaýda.
Yntymaqtastyq sheńberinde áleýetti nyǵaıtý jáne «teńge teń» qaǵıdaty sheńberinde bilim almasý maqsatynda birqatar sharalar, sondaı-aq «Matchmaking» is-sharalaryn uıymdastyrý oılastyrylýda. Matchmaking is-sharalary qatysýshy elder men eki uıymnyń seriktesteri arasyndaǵy el úkimetterine memlekettik organdardyń bilimderi jáne ozyq tájirıbelerimen almasýǵa jáne eki uıymdy bir-birimen tyǵyz qarym-qatynas jasaý maqsatynda jaqyndatý múmkindigin beredi.