Kúnbaǵys pen qaraqumyqtyń satyp alý baǵalary bıdaı daqyldaryn jınap bolǵannan keıin belgilenetin bolady, dep habarlaıdy Egemen.kz
Aýyl sharýashylyǵy mınıstri Saparhan Omarov Úkimet otyrysynda Azyq-túlik kelisimshart korporasııasy bıdaıdyń satyp qunyn belgilegenin atap ótti.
"Naryqtaǵy qalyptasqan jaǵdaıdy eskere otyryp, "Azyq-túlik kelisimshart korporasııasy" AQ bıdaıdy satyp alý baǵalaryn sapasyna qaraı tonnasyna 83-87 myń teńge dálizinde, 4-synypty bıdaıǵa – 78 myń teńge, 2-synypty arpaǵa – 50 myń teńge deńgeıinde belgileýdi usynady, Bul rette satyp alý baǵasyn belgileý kezinde otandyq aýyl sharýashylyǵy óndirýshilerin qoldaýdan basqa ishki naryqtaǵy turaqtylyqty qamtamasyz etý máselesi de eskerildi", dedi S.Omarov.
Aǵymdaǵy jyly aýyl sharýashylyǵy óndirýshileriniń kóptegen ótinishi boıynsha Azyq-túlik kelisimshart korporasııasy aýyl sharýashylyǵy ónimderin forvardtyq satyp alýdy júzege asyrdy, ony ótkizý úshin respýblıkalyq bıýdjetten 24,5 mlrd teńge bólindi. Búginde forvardtyq satyp alý áleýmettik-kásipkerlik korporasııalardyń kepildigimen júzege asyryldy, 516 myń tonna aýyl sharýashylyǵy ónimin satyp alýǵa kelisimshart jasaldy.
Eske salsaq, búginde respýblıka boıynsha barlyǵy 14,8 mln gektardan (93,4%) astam dándi jáne dándi-burshaqty daqyldar jınaldy. Gektaryna ortasha eseppen 12,3 sentnerden jınaǵanda 18,2 mln tonna astyq bastyryldy (2019 jyly – 11,4 mln tonna).