Oralda áıel adam poıyz astyna túsip kóz jumdy, dep habarlaıdy Egemen.kz
Batys Qazaqstan oblystyq densaýlyq saqtaý basqarmasynyń baspasóz qyzmeti habarlaǵandaı, oqıǵa búgin Jelaev joly men Rýjeınıkov kóshesi qıylysyndaǵy temirjol ótkelinde bolǵan.
Oqıǵa ornyna dereý jedel járdem saǵat 13.17-de shaqyrylyp, brıgada 13.22-de jetti. Poıyzdyń astyna túsken jasy 50-lerdegi áıel jedel járdem kelgenge deıin til tartpastan oqıǵa ornynda kóz jumdy.
Oblystyq polısııa departamentiniń baspasóz qyzmeti bolǵan oqıǵany rastady. Qazirgi tańda oqıǵanyń mán-jaıy anyqtalyp jatyr.