Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna arnaǵan Joldaýy elimizdiń aldaǵy qarqyndy damý jolyn aıqyndap berýimen de qundy bolyp otyr. Joldaýdan týyndaıtyn mindetter bizdiń mekememizdiń qyzmetkerleri arasynda da qyzý talqylanyp, jańa jaǵdaıda jumys atqarýǵa degen zor serpilis týyndatýda.
Prezıdent Joldaýynda «Biz azamattarymyzdyń laıyqty ómir súrýine jaǵdaı jasaýǵa, olardyń quqyqtaryn qorǵaýǵa, zań ústemdigin qamtamasyz etýge, jemqorlyqqa qarsy kúresti kúsheıtýge mindettimiz» delingen. Sol arqyly elimizdi damytýdyń basty tegershikteri, memlekettigimiz ben eldigimizdi saqtaýdyń asyl murattary atap kórsetilip, memlekettik basqarýdyń jańa úlgisi usynyldy.
Iаǵnı endigi jerde memlekettik josparlaý júıesi adam resýrstary meılinshe tolyqqandy túrde jumyldyrylýyn qamtamasyz etý kerek. Negizgi maqsat jumystyń barysy emes, nátıjesine baǵdarlanatyn bolady. Bul turǵyda memlekettik qyzmet júıesin retke keltirip, qaıta qurýdyń da mezgili ábden pisip-jetilgen edi. Memleket basshysy da: «Pandemııa kezinde memlekettik qyzmetshilerdiń basym bóliginiń qashyqtan jumys isteý rejimine kóshýi memlekettik apparatty yqshamdaý kerektigin jáne buǵan tolyq múmkindik bar ekenin kórsetti» dep, yqshamdaý josyǵyn jedeldetýdi tapsyrdy.
Bul másele byltyrǵy Joldaýda da aıtylǵan-dy. Ýaqyt kesheýildeýdi kútpeıdi. Aldaǵy ýaqytta memlekettik apparat pen kvazı-memlekettik sektor qyzmetkerlerin merziminen buryn bıyl 10 paıyzǵa, kelesi jyly 15 paıyzǵa qysqartý júzege asyrylmaq. Al únemdelgen qarajat esebinen basqa qyzmetkerlerdiń aılyq jalaqysy kóbeıtiletin bolady.
Aıta keteıik, bul oraıda eńbekaqysy az memlekettik qyzmettiń qoǵam úshin paıdasynan zııany kóptigi de eskerilgen. Joldaýda osyǵan baılanysty «Bul máselege jete nazar aýdarmaý keri ketýge, biliktilik pen bastamashyldyqtan aıyrylýǵa, sondaı-aq, eń soraqysy, jemqorlyqqa ákelip soqtyratyny» da egjeı-tegjeıli túsindirilipti. Osyǵan baılanysty kelesi jyldyń ekinshi jartyjyldyǵynan bastap atalǵan salada baldyq-faktorlyq júıe engizilýi kútilip otyr. Bul júıe árkimniń eńbegine qaraı aqy tólenilýin qamtamasyz etedi. Onda ózine tapsyrylǵan jumysty minsiz atqarǵan, tártiptik jazaǵa ilikpegen memlekettik qyzmetshiniń jyl sońynda tıisti talapqa sáıkes edáýir kólemde ústemeaqy alýy da qarastyrylǵan.
Shynynda da, memlekettik qyzmet minsiz bolýǵa, adal atqarylýǵa tıis. Ásirese, memlekettik qyzmetkerlerdiń sybaılas jemqorlyqtyń qandaı kórinisine bolsyn ymyrasyzdyq tanytýy bárinen de mańyzdy. Osyǵan baılanysty zań talaptary da qataıtylyp otyr. Qaramaǵyndaǵy qyzmetkerleriniń jemqorlyqqa barýy oblystyq aýmaqtyq qurylymdar basshylarynyń, mınıstrlerdiń óz erkimen qyzmetterinen bosaýyna májbúr etedi. Bul másele mekeme qyzmetkerleri arasynda egjeı-tegjeıli túsindirildi.
Joldaýdaǵy «Ekologııa jáne bıologııalyq árkelkilikti qorǵaý» dep atalatyn baǵyttyń tikeleı bizdiń salaǵa qatysy bar. Osyǵan oraı Úkimetke bıologııalyq árkelkilikti saqtaý jáne tıimdi paıdalaný jónindegi uzaqmerzimdi jospardy bekitý usynylyp otyr. Soǵan sáıkes aldaǵy bes jyl ishinde orman alqabyna – 2 mlrd, eldi mekenderge 15 mln aǵash otyrǵyzylatyn bolady.
Sondaı-aq «Janýarlardy qorǵaý týraly» zań jobasy ázirlenbek. Jan-janýarlarǵa kózqaras kez kelgen memlekettiń órkenıettiliginiń de ólshemi ekeni anyq. Bul jaıt bizdi de qýantyp otyr.
Qysqasy, Memleket basshysynyń bıylǵy Joldaýynda aıtylǵan máseleler barlyǵymyzdyń da kóńilimizden shyqty. Aldaǵy ýaqytta Joldaýdan týyndaıtyn mindetterdiń múltiksiz oryndalýyna ınspeksııanyń eńbek ujymynyń da aýyzbirshilikpen kúsh jumyldyryp, óz úlesterin qosatynyna ábden senimdimin.
Baımahan QOShQARBAEV,
Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy