Anyqtama surasa – eGov Mobile siltemesin jiberesiz

Komıssııanyń basqa mem­le­kettik organdarmen bir­lese ótkizgen kezekti otyrysynda anyqtamalardy alyp tastaý máseleleri qa­ral­dy. Vedomstvoaralyq komıssııanyń tóraǵasy – Sıfr­lyq damý, ınnovasııalar jáne aeroǵarysh ónerkásibi mınıstri Baǵdat Mýsın ár jerden suratatyn anyqtamalardy azaıtýdyń ózekti másele ekenin, oǵan qajetti sharalardy jedel iske asyrý qajettigin aıtty.

– Memleket basshysy Joldaýynda jıi suralatyn anyqtamalar men málimetti qaǵaz júzinde rastaýdy ta­lap etýdiń kúshin joıý bo­ıynsha naqty mindet qoıdy. Sondyqtan biz osy ba­ǵytta jumys isteýimiz kerek. Bú­gin­ge deıin 6 anyq­ta­ma jo­ıyldy, onyń oń eko­no­mı­kalyq nátıje bergenin kórip otyrmyz. Biz únemi jańa tásilderdi usynyp, ýaqyttan qalyspaı, prosesti jyljytyp, eGov Mobile múmkindikterin keńeıtýimiz kerek, – dep atap ótti mınıstr.

Jalpy, elimizde túrli anyqtamalar kóp ekenin myna bir derekke qarap-aq kóz jetkizýge bolatyndaı. Memlekettik tizilimdegi 694 qyzmettiń 50-ge jýyǵy aqpa­rattyq qyzmetter men anyqtamalar eken.

– Biz birqatar mınıstr­lik­terdiń ókilderimen kezdesýler ótkizdik, azamattardan kóp anyqtama talap etpeý máselelerin talqyladyq. Sonyń nátıjesinde bıyl  30 anyqtamany qysqartýdy usynyp otyrmyz. Mysa­ly, narkologııalyq mekemede tirkelmegeni, zeıne­ta­qy jınaqtary týraly, jumys­syz retinde tir­kel­ge­ni týraly, jyljymaıtyn múliktiń mekenjaıly anyq­tamalar joıylady. Al sot­talǵany neme­se sot­tal­ma­ǵa­ny týraly anyq­ta­many talap etý qys­qar­tylady, biraq ol shetelde kórsetý úshin qal­dy­ry­lady. Sonyń nátı­je­sinde aınalymdaǵy 35 mıllıonnan astam qaǵaz qujat azaıady, – dedi Memlekettik kórse­ti­le­tin qyzmetter komı­tetiniń tóraǵasy  Dáýlet Bekmanov.

Qaǵaz qujat aınalymyn qysqartý eGov Mobile mo­bıl­dik qosymshasyndaǵy jańa quraldardy da azaıtýǵa múmkindik beredi. Osylaısha, jaqynda eGov Mobile-dan aqparatty tikeleı messendjerler arqyly jibere oty­ryp, qosymshada jeke máli­metterdi bólisýge bolady. Mysaly, kez kelgen yń­ǵaıly jolmen aqparatty jibere otyryp,qosymsha arqyly mekenjaı deregimen bólisýge bolady. Bul aqpa­rat­ty talap etýshi mekeme­ler­ge eGov Mobile-den silteme jibere salasyz. Bas­qa da jeke aqparatty solaı jiberýge bolady. Eger qujat talap etken mekemege jaqyn jerde bolsańyz, onda málimetti QR kod arqyly da jiberýge múmkindik jasalady.

Taǵy bir aıta keterligi, eGov Mobile-dan elektrondy sıfrly qoltańbany (ESQ) alý da jeńildeıdi. Ol úshin bıometrııany sáıkes­ten­dirý­den ótip (júıe azamattyń jeke basyn ska­ner­leıdi), suraqtarǵa jaýap berip, telefon nómirin engizý qajet. Sol kezde telefon nómiri mobıldi azamattar bazasynda tirkelip, ESQ telefonǵa ornatylady. Bul prosess eGov Mobile-dyń kómegimen elektrondy úkimet portalyn paıdalanýshylardy tirkeýdi ońaılatpaq.

Jıynda azamattar eń kóp suraıtyn memlekettik qyzmetterdi ońtaılandyrý máseleleri qaraldy. Eńbek jáne halyqty áleýmettik qor­ǵaý mınıstrliginiń ókil­de­ri kóp balaly otbasyna járdemaqy taǵaıyndaý, bala kezinen 1-toptaǵy múge­dek­ke kútim jasaý, eńbek etý qabiletinen aıyrylý jaǵ­­daılaryna tólem­der taǵy basqa qyzmetter kór­setý merzimderin qys­qar­­tý bo­ıynsha bıznes-pro­ses­terdi usyn­dy. Smart Bridge plat­for­masyndaǵy ınteg­ra­sııa­lyq servıster boıynsha bıznes ókilderiniń usynystar qaraldy.