Japonııa qazannyń basynda sheteldik azamattar úshin birtindep shekarasyn ashpaq. Degenmen bul týrısterge qatysty emes, dep habarlaıdy Egemen.kz Habar 24-ke silteme jasap.
Basylym málimetinshe, áńgime negizinen medısınalyq, bilim jáne iskerlik salalar jaıly. Sonymen qatar mádenıet ókilderi de osyndaı jeńildikke ıe bolmaq. Osylaısha atalǵan sebeptermen Japonııaǵa kúnine álemniń túkpir-túkpirinen myńǵa jýyq adam kire alady.
Biraq olardyń qolynda ushar aldynda jasatqan koronavırýstyń joqtyǵyn rastaıtyn test nátıjesi bolýy kerek. Al kelgen soń taǵy eki apta karantınge jatqyzylady. Budan bólek Kúnshyǵys eli sheteldik stýdentterge qatysty shekteýlerdiń bárin alyp tastamaq. Al qarashadan bastap eldiń Tokıo, Osaka, Fýkýoka, Nagoıa jáne Sapporo sekildi iri qalalary kúnine 20 myńǵa deıin adamdy qabyldaıtyn bolady.