Agenttik júzege asyratyn memlekettik satyp alý salasynyń jemqorlyqqa qarsy monıtorıngi jemqorlyq kórinisterine jol bermeýge jáne bıýdjet qarajatyn tıimdi jumsaýǵa baǵyttalǵan, dep habarlaıdy Egemen.kz.
Sybaılas jemqorlyqqa qarsy qyzmettiń bıýdjettik baǵdarlamalar ákimshilerimen tikeleı jumys isteýi arqyly memlekettiń 7,7 mlrd teńgege jýyq tıimsiz shyǵyndarynyń aldyn alyp, josparlaý satysynda 1,5 myń tapsyrys berýshiniń bıýdjetteri ońtaılandyryldy.
Bilim jáne ǵylym mınıstrliginiń jergilikti atqarýshy organdardyń oqýshylardy qashyqtyqtan oqytýǵa arnalǵan kompıýterler, noýtbýkter men planshetter satyp alýyn súıemeldeý týraly ótinishi – júrgizilip jatqan jumys tıimdiliginiń kórsetkishi. Tehnıka áleýmettik osal sanattaǵy oqýshylardyń ýaqytsha paıdalanýyna arnalǵan.
Bul maqsatqa Úkimet qorynan 70 mlrd teńgeden astam qarajat bólindi.
Qoǵamdyq baqylaý aıasynda bólingen qarajatty bólý jónindegi komıssııalardyń jumysyna "Adaldyq alańy" óńirlik jobalyq keńseleriniń, arnaıy monıtorıngtik toptarynyń jáne Agenttiktiń aýmaqtyq bólimsheleriniń ókilderi endi.
"Baǵa-sapa" araqatynasy qaǵıdaty boıynsha uıymdastyrý tehnıkasynyń áleýetti jetkizýshileriniń baǵa usynystaryn irikteý arqyly birlesken kúsh-jigermen shamamen 3,6 mlrd teńge únemdeldi.
Agenttik Bilim jáne ǵylym mınıstrliginiń bastamasyn joǵary baǵalaıdy, sondaı-aq mundaı tájirıbeni basqa memlekettik organdar men kvazımemlekettik sektor sýbektileriniń qoldanýyn quptaıdy.
Satyp alý júıesiniń ashyqtyǵyn arttyrý, qoǵamdyq baqylaýdy kúsheıtý máselelerindegi syndarly yntymaqtastyq – Sybaılas jemqorlyqqa qarsy qyzmettiń aldyn alý qyzmetiniń negizi.