Mədenıet jəne sport mınıstrligine qarasty Ulttyq mýzeıdiń ashyq alańynda "Strıt-art" perfomansy ótti, dep habarlaıdy Egemen.kz.
Is-sharanyń ashylý saltanatynda Ulttyq mýzeı dırektorynyń orynbasary A.E. Qasenalın, Qazaqstan Sýretshiler odaǵynyń múshesi, Qazaq Ulttyq óner ýnıversıteti «Keskindeme jáne músin» kafedrasynyń meńgerýshisi M.Q. Baıbosyn, sýretshi-bezendirýshi Raıymbek Sákenov men Aıdos Sheker quttyqtaý sóz sóılep, beıneleý ónerindegi zamanaýı quraldardyń biri perfomans jáne graffıtı janrlarynyń mańyzdylyǵyn atap ótti.
«Strıt-art» performansynda birqatar respýblıkalyq jáne halyqaralyq baıqaýdyń jeńimpazy Raıymbek Sákenov pen Aıdos Sheker óner kórsetip, əlemdik deńgeıdegi oıshyl Abaı Qunanbaıulynyń beınesin saldy. Sonymen qatar atalǵan is-sharaǵa ónertanýshy mamandar, joǵary oqý oryndarynyń stýdentteri men qala turǵyndary qatysty. Aldaǵy ýaqytta da Qazaqstan Respýblıkasynyń Ulttyq mýzeıi qala mádenıetin damytý maqsatynda kórkemóner quraldary arqyly mýzeı jumysyn kórsetip, kórermenge beıneleý óneriniń basqa da túrlerin usynatyn bolady.