Lıýdmıla Bıýrabekova Densaýlyq saqtaý vıse-mınıstri qyzmetinen bosatyldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.
Lıýdmıla Bıýrabekova 1973 jyly Qaraǵandy oblysynda dúnıege kelgen.
1997 jyly Qaraǵandy memlekettik medısına akademııasyn, 2004 jyly Qazaq farmasevtıka ınstıtýtyn, 2014 jyly Halyqaralyq bıznes akademııasyn támamdaǵan.
Eńbek jolyn 2004 jyly H. J. Maqajanov atyndaǵy Qaraǵandy kópsalaly klınıkalyq aýrýhanasynda dáriger-klınıkalyq farmakolog bolyp bastady. Ár jyldary Qaraǵandy jáne Batys Qazaqstan oblystyq densaýlyq saqtaý basqarmalarynda, QR Densaýlyq saqtaý mınıstrliginiń qurylymynda, Respýblıkalyq balalardy ońaltý ortalyǵynda, Ulttyq medısınalyq holdıngte, Medısınalyq tehnologııalar jáne aqparattyq júıeler ortalyǵynda, QR Prezıdenti Is Basqarmasynyń Medısınalyq ortalyǵynda jumys istedi. QR Densaýlyq saqtaý vıse-mınıstri laýazymyna 2020 jylǵy sáýirde taǵaıyndaldy.