Túrmede toı bolýshy ma edi? Munda da úılený toıyn ótkizýge bolady eken. Jaqynda Atyraýdaǵy ÝG-157/1 mekemesinde eki jastyń nekesi qıyldy.
– Bizde de úılený toıy ótedi, – deıdi sottalǵandar arasynda tárbıe jumysyn uıymdastyrý bóliminiń bastyǵy Qalamqas Áshirhan. – Árıne, ádettegideı aqqaınar atylmaıdy. Bı de bolmaıdy. Biraq taǵdyryn toǵystyrǵan jastardyń bul kúndi este saqtaýyna yqpal etýdi oıladyq.
Birneshe aı buryn 37 jastaǵy Denıs tergeý ızolıatoryna Qylmystyq kodekstiń 188-babymen (urlyq) túsken eken. Jaqynda №2 Atyraý qalalyq sotynyń úkimimen 3 jyl 6 aı merzimge bas bostandyǵynan aıyryldy. Endi ol jazasyn qatań rejimdegi kolonııada óteýi tıis. О́zge oblystaǵy túrmege jetkizetin etapty kútip otyr. Atyraýdan keter aldynda Ksenııaǵa úılenýdi jón sanapty.
– Ksenııamen ortaq dostarymyz arqyly tanysqan edim. Sodan beri birneshe jyl ótti. Biraq aldyńda ne kútip turǵanyn bilmeısiń ǵoı. Bıyl ókinishke uryndyrǵan jaǵdaı oryn alyp, bas bostandyǵymnan aıyryldym, – deıdi Denıs. – Nekemizdi qıdyrý – ekeýmizdiń ortaq sheshimimiz. О́ıtkeni balamyzdyń zańdy ákesi bolǵanyn qaladyq.
Túrmeniń toryna túsken Denıspen nekesi qıylǵan Ksenııanyń ómirge sábı ákeler kúni jaqyn. Ol eki aıdan soń balasyn qolyna alyp, kúıeýi bostandyqqa shyqqanǵa deıin ony enesimen birge tárbıeleýge bekinip otyr.
– Bala tárbıesinde ákeniń orny bólek bolary daýsyz. Sol sebepten Denıstiń tezirek bostandyqqa shyǵýyn kútemiz. Balamyzdyń bolashaqta jaqsy azamat bolyp óserine senemin, – deıdi Ksenııa.
Atyraý oblysy boıynsha Qylmystyq-atqarý júıesi departamentiniń baspasóz qyzmetinen habarlaǵandaı, byltyr munda 10 kúdikti men sottalýshynyń nekesi qıylypty.
Atyraý oblysy