Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń Almaty qalasy boıynsha Ulttyq saraptama ortalyǵynyń mamandary Ońtústik Koreıadan kelgen «Djın Ramen» tez daıyndalatyn kespesiniń 3 úlgisinde jáne «Butter Sookieѕ Danish Pride» túrik pechenesiniń bir synamasynda zertteý barysynda GMO mólsheriniń artqanyn anyqtady.
Almaty qalasynyń taýarlar men qyzmetterdiń sapasy men qaýipsizdigin baqylaý departamenti ónim qaýipsizdigin baqylaý aıasynda 89 tamaq ónimderiniń synamasyn satyp aldy. Saraptama úshin satyp alynǵan barlyq úlgiler Almaty qalasyndaǵy Ulttyq saraptama ortalyǵynyń zerthanasyna jetkizildi.
Zerthanalyq zertteýler kórsetkendeı, kespedegi gendik túrlendirilgen soıanyń quramy 1,4%-dan 10,25%-ǵa deıin, pechenede 47,75%-dan asady. Bul rette óndirýshilerdiń tańbalarynda kórsetilgen ónimderdegi gendik túrlendirilgen ıngredıentterdiń quramy týraly aqparat joq. Tamaq ónimderindegi GMO quramynyń ruqsat etilgen normasy «Tamaq ónimderiniń qaýipsizdigi týraly» (KO TR 021/2011 j.) Keden odaǵynyń tehnıkalyq reglamentine sáıkes 0,9%-dan aspaıtynyn atap ótken jón.
О́nimdi ótkizýshiler «Barys-4» jáne «Aqbulaq» kóterme saýda bazarlarynda onyń qaýipsizdigin rastaıtyn qujattarsyz satyp aldy. Atalǵan faktiler boıynsha Almaty qalasy taýarlar men kórsetiletin qyzmetterdiń sapasy men qaýipsizdigin baqylaý departamenti saýda jelisindegi sáıkes emes ónimdi anyqtaý jáne ony satýdan alyp tastaý boıynsha is-sharalar júrgizýde.
– О́zderińiz biletindeı, GMO qaterli isikterdiń paıda bolý qaýpin, balalar men jasóspirimderde ósýdiń tejelýin, sondaı-aq allergııalyq aýrýlardyń paıda bolý qaýpin arttyrady. Sondaı-aq sapasyz ónim anyqtalǵan jaǵdaıda qazaqstandyqtar Taýarlar men qyzmetterdiń sapasy men qaýipsizdigin baqylaý aýmaqtyq departamentterine júgine alatynyn habarlaımyz, – deıdi mamandar.