2 myńnan astam medısına qyzmetkeri COVID-19 ınfeksııasyn jáne pnevmonııany juqtyrýyna baılanysty MÁSQ-tan tólemder aldy, dep habarlaıdy Egemen.kz.
"COVID-19 indetimen kúreske tartylǵan 2 043 medısına qyzmetkeri koronavırýstyq ınfeksııany nemese vırýstyq pnevmonııany juqtyrǵan jaǵdaıda memlekettik áleýmettik saqtandyrý qorynan (budan ári – MÁSQ) beriletin birjolǵy áleýmettik tólemdi aldy. Sondaı-aq, MÁSQ aýrýdyń saldarynan qaıtys bolǵan 27 medısına qyzmetkeriniń týystaryna tólemder aýdardy", delingen habarlamada.Budan buryn habarlanǵandaı, joǵaryda atalǵan tólem tólenetin medısına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medısına qyzmetkerlerin tekserý nátıjeleri negizinde anyqtaıdy. О́tinimderdiń jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin "Azamattarǵa arnalǵan úkimet" memlekettik korporasııasy" KEAQ-qa beriledi, keıin tólem taǵaıyndaý úshin MÁSQ-ǵa jiberiledi.
"25 qyrkúıek saǵat 9.00-degi jaǵdaı boıynsha MÁSQ COVID-19 nemese vırýstyq pnevmonııa juqtyrǵan 2 043 medısına qyzmetkeriniń ótinishi boıynsha jáne aýrýdyń saldarynan qaıtys bolǵan 27 medısına qyzmetkerine qatysty aqshalaı qarajatty taǵaıyndaý men tóleýdi júzege asyrdy", delingen taratylǵan aqparatta.
О́ńirler bólinisinde medısına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemderdiń eń kóp sany Nur-Sultan (517) jáne Almaty (373), Shymkent (117) qalalary, Qaraǵandy (170), Batys Qazaqstan (131) jáne Aqmola (107) oblystary boıynsha júrgizildi.
Esterińizge sala keteıik, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń 9 sáýirdegi "Densaýlyq saqtaý uıymdarynyń COVID-19 koronavırýstyq ınfeksııasyna qarsy kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfeksııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalaryn bekitý týraly" birlesken buıryǵyna aǵymdaǵy jyldyń 22 shildesinde engizilgen ózgeristerge sáıkes, joǵaryda kórsetilgen tólem:
– koronavırýstyq ınfeksııa nemese vırýstyq pnevmonııa juqtyrǵan medısına qyzmetkerlerine – 2 mln teńge;
– COVID-19 koronavırýstyq ınfeksııasyn juqtyrǵannan, vırýstyq pnevmonııamen aýyryp qaıtys bolǵan jaǵdaıda olardyń otbasyna – 10 mln teńge kóleminde tólenedi.