Respýblıkalyq joǵary oqý oryndarynda 35 áskerı kafedra jumys isteıdi. Jyl saıyn 6000-ǵa jýyq zapastaǵy ofıserler shyǵarylady, dep habarlaıdy Egemen.kz.
Qazirgi ýaqytta óńirlerdegi stýdentterdiń basym bóligi medısınalyq kýálandyrýdan ótti. Nur-Sultan qalasynda qyrkúıek aıynyń alǵashqy kúnderinen bastap medısınalyq komıssııadan 1000-nan astam kandıdat stýdent ótken bolatyn.
Joǵary oqý oryndarynyń áskerı kafedralaryna túsýge nıet bildirýshilerdiń kóptep kelýin eskere otyryp, respýblıka boıynsha medısınalyq kýálandyrýdan ótý merzimi 2020 jylǵy 10 qazanǵa deıin uzartyldy.
Esterińizge sala keteıik, Qorǵanys mınıstrliginiń quzyretine reglamenttik rásimder kirmeıdi. Medısınalyq komıssııalardyń ornalasqan jeri, olardyń quramy men jumys kestesi jergilikti atqarýshy organdardyń sheshimderimen aıqyndalǵan. Ákimdikterdiń sheshimi boıynsha medısınalyq tekserý kún saıyn saǵat 14-ten 18-ge deıin júrgiziledi.