Almatyda 26-27 qyrkúıek kúni avtobýs baǵyttary ózgeredi, dep habarlaıdy Egemen.kz qala ákimdiginiń baspasóz qyzmetine silteme jasap.
Demalys kúnderi Almatydaǵy qoǵamdyq kólikter ádettegideı saǵat 06.00 den 22.00-ge deıin jumys isteıdi. Alaıda, burynǵy Saıahat avtobeketi mańynan ótetin avtobýstardyń baǵyty ózgeredi.
"Almaty avtobýstary" JShS-niń málimetinshe, 2020 jyldyń 25 qyrkúıegi kúngi saǵat 17:00-den bastap 26 qyrkúıek saǵat 23:00-ge deıin jol-qurylys jumystaryna baılanysty Raıymbek dańǵyly - Nazarbaev dańǵylynan Jangeldın kóshesine deıin, Pýshkın kóshesi - Maqataev kóshesinen Raıymbek dańǵylyna deıin, Ýálıhanov kóshesi - Maqataev kóshesinen Raıymbek dańǵylyna deıin, Qonaev kóshesi – Maqataev kóshesinen Raıymbek dańǵylyna deıin avtokólik qozǵalysy ýaqytsha toqtatylady.
"Kórsetilgen merzimde qoǵamdyq kóliktiń, naqtyraq aıtqanda, 203, 204, 207, 208, 220, 222, 225, 228, 410 baǵytyndaǵy avtobýstardyń qozǵalysy ózgertilgen baǵytta kelesi tártippen júzege asyrylady: Raıymbek dańǵyly boıyndaǵy Nazarbaev dańǵyly jáne Pýshkın kóshesi aralyǵynda shyǵys baǵyttaǵy barlyq qoǵamdyq kólik jol aıyryǵynyń tonneli arqyly ótedi. Talǵar, Esik aýdandarynan jáne О́tegen batyr aýylynan qatynaıtyn jolaýshylar úshin Raıymbek-Nazarbaev, Raıymbek-Jangeldın, Pýshkın-Maqataev, Gogol-Nazarbaev ýchaskelerinde sońǵy pýnkt uıymdastyrylady", delingen habarlamada.
Sondaı-aq, "Raıymbek batyr" metro stansııasyndaǵy tehnıkalyq jumysqa baılanysty profılaktıkalyq jumystar júrgiziledi, osyǵan oraı joǵaryda atalǵan merzimde bul stansııa ýaqytsha jumys istemeıdi, sońǵy stansııa – "Jibek joly".