Elimizge kelgen jolýshylar arasynda koronavırýs juqtyrǵandar tirkelmedi. Bul týraly Densaýlyq saqtaý mınıstrliginiń resmı ókili Baǵdat Qojahmetov Ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
"Mınıstrlik qazirgi ýaqytta Qazaqstanǵa kóliktiń ártúrli túrimen kelip jatqan jolaýshylar boıynsha jaǵdaıdy baqylaýda ustap otyr. Qazir Qazaqstanǵa jolaýshylar eki jolmen – avtokólikpen nemese ushaqpen keledi. 24 qyrkúıekte bizdiń elge ushaqpen 2 127 adam keldi. Onyń 2008-i – áýe jolaýshylary bolsa, 119-y ekıpaj músheleri. Atalǵan jolaýshylardyń ishinde 479 adamda PTR-test anyqtamasy boldy. Eshkim de aýrýhanaǵa jatqyzylǵan joq. Sebebi olardyń eshbirinen koronavırýs ınfeksııasy anyqtalmady", dedi ol.
Eske sala keteıik, buǵan deıin Soltústik Qazaqstan oblysynda 8 bilim ordasynda koronavırýstyń 12 jaǵdaıy tirkelgenin habarlaǵan edik.