Palestınanyń burynǵy basshysy Iаsır Arafattyń óliminiń sebepteri anyqtaldy. Bul týraly ITAR-TASS habarlady.
Palestınanyń muńyn muńdap, joǵyn joqtaǵan Iаsır Arafattyń ólimi neden bolǵanyna jaýap izdegen halyqaralyq komıssııa onyń polonıı zatynan ýlanyp, kóz jumǵanyn dáleldedi.
Marqumnyń beıiti 2012 jyly qaıta qazylyp alyp, onyń ishki aǵzalaryna saraptama júrgizilgen. Onyń denesin teksergen Fransııa, Shveısarııa jáne Reseı mamandary zertteý kezinde onyń kıimderinen álgi ýly zattyń belgilerin tapqan. Sondyqtan tekserý komıssııasynyń basshysy Taýfık Tıraýı Palestına kósemi polonıı-210 dep atalatyn elementten ýlanyp ólýi múmkin dep málimdegen.
Atalǵan saraptamanyń tolyq qorytyndysy Palestına úkimeti men Arafattyń jesiri Sýha Arafatqa tapsyrylǵan.
Iаsır Arafat 2004 jyldyń 11 qarashasynda 75 jastan asqan kezde Parıj mańyndaǵy aýrýhanada qaıtys boldy. Sol kezde onyń ólimine qatysty eshqandaı bóten aqparat aıtylmaǵan. Tek onyń kenetten ómirden ozǵany ǵana habarlandy.
Joldybaı Bazar.