Bul týraly №2 oblystyq ınfeksııalyq aýrýhananyń bólim meńgerýshisi Jantóre Orysbaeva málim etti, dep habarlaıdy Egemen.kz
"Pandemııa kezinde №2 oblystyq ınfeksııalyq aýrýhanaǵa koronavırýs ınfeksııasymen túsken naýqastardyǵ 94 prosenti saýyǵyp shyqty. Al 3,4 paıyzy ólim jaǵdaıymen aıaqtaldy. Qaıǵyly jaǵdaıdyń oryn alýy, birinshiden, naýqastardyń dárigerge keshigip habarlasýynan bolyp otyr. Ekinshiden, naýqastarda burynǵy sozylmaly aýrýy asqynǵan. Aýrýhanadan koronovırýs ınfeksııasymen 30 bala, 134 júkti áıel emdelip shyqty. Tórt áıelge shuǵyl ota jasaldy. Júkti áıelderdi qosymsha aýrýlaryna baılanysty endokrınolog, gematolog, kardıolog sekildi arnaıy dárigerlerden onlaın keńes alý arqyly emdedik", dedi Jantóre Orysbaeva.
Onyń málimetine súıensek, qazir atalaǵan aýrýhanada 28 naýqas em qabyldap jatyr. Onyń ishinde 10 naýqasqa koronovırýsty pnevmonııanyń anyqtalǵan túri, qalǵan emdelýshige koronovırýs tıpti pnevmonııa dıagnozy qoıylyp otyr. Al jansaqtaý bóliminde eki naýqas bar.