Reseı Federasııasynyń prezıdenti Vladımır Pýtın LDRP serkesi Vladımır Jırınovskıımen Jańa Ogarevodaǵy kezdesýi kezinde odan eldiń múddesine saı keletin áreketter jasamaýdy, ultaralyq qarym-qatynas jaǵdaıyna baılanysty oı qozǵaǵanda tiline ıe bolýdy ótindi. Bul týraly «Trýd» gazeti jazdy.
«Meniń sizge úlken ótinishim bar. Sizdiń elektoratyńyz turaqty. Sondyqtan, ony jekelegen elektorat arasynda nyǵaıta túsý maqsatymen eldiń túpkilikti múddesine nuqsan keletin áreketterge barýdyń qajeti joq dep oılaımyn», - prezıdent saıasatkerge.
Pýtın sol sııaqty mıgranttardyń «bizdiń zańdarymyzdy, ádet-ǵuryptarymyzdy, ózderi kelgen aımaqtar mádenıetin sózsiz qurmetteýine» qol jetkizýdi óte mańyzdy nárse dep sanaıtynyn bildirdi. Ol mıgrasııalyq saıasatty kúsheıtýdiń qajet emes ekenin ashyp aıtty. Prezıdent mıgranttarǵa baılanysty qalyptasqan ahýaldyń qazir tek Reseıdiń ǵana bastan keship otyrǵan problemasy emes ekenine basa nazar aýdardy. О́z kezeginde Jırınovskıı bul máselede jumys berýshilerdiń jaýapkershiligin kúsheıtý kerek ekenin alǵa tartty.
Eske sala keteıik, 24 qazan kúni telearnada júrgizilgen telejýrnalıst Vladımır Solovevtiń «Poedınok» («Jekpe-jek») habary kezinde Vladımır Jırınovskıı otbasynda úshinshi balanyń týýylýyna aıyppul tóletilýi arqyly Soltústik Kavkaz respýblıkalarynda týýdy shekteý jóninde usynys bildirgen edi. Budan basqa, ol «Kavkazdy tikenek symmen shekteý» jolymen kavkazdyqtardyń erkin qozǵalysyna tyıym salýdy da usynǵan bolatyn.
LDRP kóseminiń bul málimdemesi Soltústik Kavkaz respýblıkalary halyqtarynyń qatty ashý-yzasyn týǵyzdy. Sonyń ishinde sheshender erekshe ashyndy. Sonyń bir belgisi retinde sol kúni-aq LDRP-nyń respýblıkadaǵy uıymy ózin ózi taratý jóninde sheshim qabyldady.
Murat Aıtqoja.