Nur-Sultannyń ákimi Altaı Kólginov Instagram paraqshasynda qaladaǵy jylý qazandyqtary qashan gazǵa kóshiriletinin jazdy, dep habarlaıdy Egemen.kz.
"Jylý qazandyqtaryn gazǵa kóshirý - kúrdeli, biraq qajet jumys. Qazandyqtar búkil qalany jylytatyn bolǵandyqtan, olardy birtindep gazǵa kóshirý ekologııalyq ahýaldy aıtarlyqtaı jaqsartady. Búgin JEO-2 qazandyǵyn gazǵa kóshirý jumystarynyń barysymen tanystym. Gaz jetkizý qubyryn tartý, gaz qorǵanys júıesiniń, qazandyqtarǵa ottyqtardy bekitý jumystary aıaqtalypty. Osy jylý maýsymynda JEO-1, JEO-2 ortalyqtarynyń keıbir qazandyqtary gazben jumys isteıdi. Olardyń artyqshylyǵy - gazben de, mazýtpen de, kómirmen de jumys isteı beredi", dep jazdy ol.
Budan basqa, turǵyn úı alaptaryndaǵy ishki gaz jelilerin júrgizý jumystary jalǵasýda.
"Elordany gazdandyrý — Elbasymyzdyń tarıhı jobasy. Memleket basshysy da gaz júrgizý máselesin jiti qadaǵalap otyr", dep jazdy qala ákimi.