Ana tilimizdi sıfrly álemge erkin engizedi

Nazarbaev Ýnıversıtetiniń Aqyldy júıeler men jasandy ıntellekt ınstıtýty (ISSAI) qa­­­zaq sózin avtomatty túrde ta­ný jobasyn iske qos­ty. Onyń kó­megimen qazaq tilin jahandyq sıfr­ly álemge bel­sendi engizýge bolady.

Jobany júzege asyrý úshin ǵalymdar qazaq tilindegi eń úl­ken daýystyq derekter jıyn­ty­ǵyn – 2 myńnan astam adam­nyń 300 saǵattyq jazbasyn jınady. Bul zerttemeni qoldaný qazaq tilin vırtýaldy kómekshiler arqy­ly taný, túrli baǵdarlamalarda jáne «aqyldy úı» tehnologııa­la­rynda qoldaný sekildi jańa múm­kindikter týǵyzady.

Sonymen qatar bul joba Qa­zaq­standa ınklıýzııanyń damýyna úlken serpin beredi. Jańa tehnologııany erekshe qajettilikteri bar adamdar keńinen qoldanatyn daýystyq jáne mátindik baǵdar­lamalarda paıdalanýǵa bolady.

«Buryn úlken derekter jıyn­tyǵynyń jetkilikti bolmaýy qa­zaq tilin sıfrly álemde shek­teı­tin. Sondyqtan biz osy jobany júzege asyrdyq. Endi ekonomıka men qoǵamnyń damýyna paıdaly bolsyn degen nıetpen qazaq tilindegi daýystyq derekter jıyntyǵyn ashyq bastap­­qy kodymen birge barlyq zertteý­shi­ler jáne kásipkerlermen bóli­sý­ge daıynbyz», dedi ISSAI NU dı­rektory, professor Atakan Varol.

Jobanyń iske qosylýy Nazar­baev Ýnıversıtetiniń Aqyl­dy júıeler men jasandy ıntel­lekt ınstıtýtynyń qurylǵanyna bir jyl tolýyna oraılastyryl­dy. Bıyl 14 qyrkúıekte ISSAI ózi­niń alǵashqy týǵan kúnin atap ótti.

Osy silteme arqyly issai.nu.edu.kz/kz-speech-corpus/ qa­zaq tilindegi daýystyq derekter jıyntyǵyna qol jetkizýge, son­daı-aq qazaq tilin avtomatty túrde taný júıesin tekserýge bo­lady.