Qaraǵandy oblysynyń jeke sot oryndaýshylary Qaraǵandy oblysy Ádilet departamentiniń kómegi negizinde alıment boıynsha mindettemelerin oryndamaǵan boryshkerlerge qatysty qylmystyq jaýapkershilkke tartý sharalaryn júzege asyrýǵa kiristi.
2020 jyldyń 20 tamyzynda Qaraǵandy oblysy kámeletke tolmaǵandar isteri jónindegi mamandandyrylǵan aýdanaralyq sotynyń úkimimen boryshker A.Ahmetov (famılııasy ózgertilgen) Qylmystyq kodekstiń 139-babyna sáıkes kináli dep tanylǵan.
Úkim boıynsha boryshkerdiń 1 jylǵa bostandyǵy shektelip, taǵaıyndalǵan barlyq merzimge probasııalyq baqylaý qoıylyp, jaza merzimi boıynsha 100 saǵat májbúrlep eńbekke tartylǵan. Atalǵan úkim 2020 jyldyń 4 qyrkúıeginde kúshine endi.
Boryshkerdiń alıment boıynsha bereshek somasy 2 811 364 teńgeni quraǵan. Sottalýshy boryshker birneshe jyl boıy kámeletke tolmaǵan balalaryn asyraý úshin alıment boıynsha óz mindetterin oryndamaǵan.