Elbasy Nursultan Nazarbaev Túrkistanǵa jumys sapary barysynda halyqaralyq áýejaıdyń ashylý rásimine qatysty, dep habarlaıdy Egemen.kz.
Túrkistan qalasynan 16 shaqyrym qashyqtyqta ornalasqan áýejaı zamanaýı tehnologııalardy qoldana otyryp, halyqaralyq standarttarǵa saı etip salynǵan. Áýejaı jalpy 900 gektar aýmaqty qamtıdy. Termınal, ushý-qoný jolaǵy jáne basqa da nysandar salynǵan halyqaralyq áýejaı qurylysyn "YDA Group" kompanııasy júrgizgen. Termınal jylyna 3 mıllıonǵa jýyq jolaýshyǵa qyzmet kórsete alady.
Túrkistandaǵy jańa áýejaıdyń orny ótken jyldyń kúzinde anyqtalǵan bolatyn. Eń ońtaıly jer retinde Shaǵa aýylyndaǵy ýchaske tańdaldy. Áýejaı termınalynyń jolaýshylardy ótkizý múmkindigi - saǵatyna 450 jolaýshy, aýmaǵy 10,5 myń sharshy metr, al ushý-qoný jolaǵynyń parametri 3300h45 metrdi quraıdy.
Túrkistan oblysy