BQO-da kólik sýǵa batyp, bir adam qaıtys boldy, dep habarlaıdy Egemen.kz.
Qaıǵyly oqıǵa 28 qyrkúıek kúni saǵat 9:25-te Aqjaıyq aýdanynyń Taıpaq aýylynda bolǵan. BQO TJD baspasóz qyzmetinen habarlaǵandaı, Jaıyq ózeni arqyly parommen ótý kezinde VAZ markaly kóliktiń tejegishi isten shyǵyp, sýǵa batyp ketken. Kólik ıesi oqıǵa ornynda qaıtys boldy.
"Marqumnyń denesi 12:15-te kólikten shyǵarylyp, polısııa qyzmetkerlerine tapsyryldy. Oqıǵa ornynda tórt qutqarýshy men bir tehnıka jumys istedi", dep habarlady BQO TJD.