Oqýshy uıaly telefondy qýattaý kezinde elektr toǵy soǵyp, qaza tapty. Oqıǵa Almaty oblysy, Jambyl aýdanynyń Qarǵaly aýylynda bolǵan, dep habarlaıdy Egemen.kz Almaty oblysy Polısııa departamentiniń baspasóz qyzmetine silteme jasap.
"Qaıǵyly oqıǵa 26 qyrkúıekte, saǵat 22:00 shamasynda Jambyl aýdany Qarǵaly aýylyndaǵy úılerdiń birinde oryn aldy. Elektr toǵynyń soǵýy saldarynan 15 jastaǵy jergilikti turǵyn qaıtys boldy. Aldyn ala anyqtalǵandaı, qyzdyń uıaly telefony elektr qýatynda bolǵan", deıdi polıseıler.
Bul fakt boıynsha sotqa deıingi tergeý bastaldy, sot-medısınalyq saraptama taǵaıyndaldy.