Fılıppınniń dańqty boksshysy Mennı Pakıao men Irlandııanyń atyshýly aralas jekpe-jek sheberi Konor Makgregor kelesi jyly rıngte kúsh synasady, dep habarlaıdy Egemen.kz
Jankúıerlerdiń deni osyndaı kezdesýlerdi sporttyq saıys emes, shoý retinde qarastyrady. Iаǵnı jeńil jolmen aqsha tabýdyń amaly. Iá, Makgregorǵa daýa joq. Ol paıdaǵa keneldýdi san alýan túrin jetik meńgergen. Al tapqan taıanǵanyn únemi halyqpen bólisip, únemi qaıyrymdylyq sharalardyń basy-qasynda júretin Pakıaony osyndaı qadamǵa barýǵa ne ıtermeledi eken? Dáp osy saýal birer aptadan beri mıllıondaǵan jankúıerdiń kókeıinde júrdi.
Joǵarydaǵy saýaldyń jaýabyn kúni keshe ǵana bildik. Júregi jumsaq, qoly ashyq, zerde-parasaty mol dańqty kásipqoı boksshy bul joly da jomarttyq tanytýdy qup kórgen eken. Boks erejesi boıynsha ótetin aldaǵy jekpe-jekten qyrýar qarjy túsetinin Mennı jaqsy bilgennen soń kelisim bergen. Sol qarajattyń basym bóligin ol koronavırýstyń zardabyn tartqan Fılıppın halqynyń ıgiligi úshin jumsaýdy kózdep otyr.