Qyzyljar aýdany polısııa bóliminiń qyzmetkerleri 25-ten asa urlyq jasaǵan 40 jastaǵy er adamdy ustady, – dep habarlaıdy Egemen.kz Polisia.kz-ke silteme jasap.
Kóbinese resıdıvıst-ury sotta keshirilip otyrǵan, sondyqtan oǵan qatysty qylmystyq ister eki jaqtyń kelisimimen aıaqtalyp kelgen. Qazir ol sharýashylyqqa qajetti túrli zattar men azyq-túlik urlady degen kúdikke ilinip otyr. Osynyń bárin Iаkor aýylynan oljalaǵan. Polıseıler urlanǵan zattyń bir bóligin ıelerine qaıtardy. Urlyqtyń eki aı buryn oryn alǵanyna qaramastan, urlanǵan zattardy satyp alatyndar anyqtaldy. Spınnıng pen bolgarka sol aýyldyń turǵynynan shyqty.
"Kúdik týǵyzatyn zatty satyp almas buryn, urlanǵan zat anyqtalǵan jaǵdaıda satyp alýshy aqshasynan, sondaı-aq zatynan aıyrylyp qalýy múmkin ekendigin esten shyǵarmaǵan jón. Odan bólik, urlanǵan zatty satyp alǵany úshin qylmystyq jaýapkershilik kózdelgen", – deıdi Qyzyljar aýdany polısııa bóliminiń bastyǵy Álıhan Baıqadamov.
Qazirgi ýaqytta eki urlyq faktisi boıynsha QR QK 188-babymen sotqa deıingi tergeý bastaldy. Artynda krımınaldyq áreketteri bar aýyl turǵyna qatysty bultartpaý sharasy máselesi sheshilýde.