Otandyq áýe tasymaldaýshylar ushaqta maska taǵýdan bas tartqan jolaýshylarǵa 1 416 780 teńge aıyppul salynǵany týraly aıtty, dep habarlaıdy Egemen.kz.
"Air Astana jolaýshylardan búkil reıs boıy maskany taǵyp, ony tek tamaqtanǵan kezde sheshýge mindetti ekenin taǵy da eskertedi. Bul kólik jónindegi bas sanıtarlyq dárigerdiń qaýlysynda kórsetilgen. Maska taǵý tártibin jáne basqa karantındik talaptardy buzýshylar odan ári ákimshilik jaýapkershilikke tartý úshin quqyq qorǵaý organdaryna tapsyrylady. Sońǵy 4 aıda maska taǵý tártibin buzǵany úshin 17 jolaýshyǵa jalpy alǵanda 1 416 780 teńgege aıyppul salyndy", delingen taratylǵan aqparatta.
Aıyppul mólsheri - 30 AEK (83 340 teńge). Sonymen qatar jolaýshylar ózderiniń is-áreketterimen keltirilgen zııandy óteýge mindetti. Maska taǵý tártibin saqtamaý saldarynan reıstiń keshigýi nemese jospardan tys qoný áýe kompanııasyna on myń AQSh dollaryna shyǵyn keltirýi múmkin.