Qazaqstanda joldardyń tólem júıesin damytý baǵytyndaǵy jumys qarqyn aldy. Bıyl ınvestormen jobanyń negizgi bóligi iske asyrylmaq. Iаǵnı 5,8 myń shaqyrym jolda tólem óndirý júıesi engiziledi. Bul týraly IIDM baspasóz qyzmeti habarlady, - dep jazady Egemen.kz
2021-2024 jyldar aralyǵynda taǵy 5,2 myń shaqyrymǵa tólem óndirý júıesin engizý boıynsha jumystary jalǵasady. Osylaısha 2025 jylǵa qaraı Qazaqstandaǵy aqyly joldardyń uzyndyǵy 11 myń shaqyrymdy quramaq.
Paıdalanýdyń alǵashqy jylynda, ıaǵnı 2021 jyly aqyly joldardan 25,6 mlrd teńge kóleminde qarjy jınalady dep boljanýda. Al 11 myń shaqyrym jol tolyq aqyly bolǵanda, avtojoldar jylyna 60-72 mlrd teńge tabys ákelmek. Bul soma qazirgi aqyly telimdegi tarıfterdi eskerip eseptelgen.
Jınalǵan qarjy ýchaskelerdegi aǵymdyq jóndeý jumystarǵa, joldardy kútýge, tólem óndirý júıesine qyzmet kórsetý men ınvestorǵa tólem jasaýǵa jumsalady. Demek aqyly joldar óz shyǵynyń ózi óteıdi. Sóıtip memleket bıýdjetinen qarjylandyrýdy qajet etpeıdi.
Aıta keteıik, jyl basynan beri "Nur-Sultan-Shortańdy", "Nur-Sultan-Temirtaý", "Almaty-Qorǵas", "Almaty-Qapshaǵaı" avtojoldarynan 4 mlrd teńge jınalǵan.