Alash arystarynyń biri, jalyndy aqyn Maǵjan Jumabaıuly aıtqandaı, «Alty Alashtyń balasy bas qossa, qadirli oryn – muǵalimdiki». О́ıtkeni ustaz – tulǵa qalyptastyratyn jan. Al adamnyń bolmysyn, ustanymyn, ómirlik jolyn aıqyndap, beımálim álemdi tanyp, qoǵamnan ózin taýyp, tuǵyryna qonýda temirqazyq ispetti jol kórsetýden asqan qandaı uly is bolýy múmkin.
«Bir árip úıretkenge qyryq jyl sálem ber» deıtin qazaq qoǵamyna bıylǵy Ustazdar merekesi erekshe ekeni anyq. Sebebi pandemııa jaılaǵaly beri elimizdegi mektepter qashyqtan oqytý formatyna kóship, ata-analar men oqýshylar, jalpy qoǵam bolyp biraz ábigerge tústik. Sonda eń aldymen muǵalimderdiń qadiri artty. Olardyń eńbegi qanshalyqty ólsheýsiz ekenin, tehnıka men tehnologııanyń damyǵan dáýirinde de ustazdyń rólin eshteńe almastyra almaıtynyn jete uǵyndyq. Buǵan qosa qoǵamda qyzý talqyǵa túsip qabyldanǵan «Pedagog mártebesi týraly» zań da bıyl kúshine endi. Bolashaqty tárbıeleıtin pedagogtiń mártebesi ózge mamandyqtarǵa qaraǵanda erekshe.
Sondaı-aq Memleket basshysy Q.Toqaevtyń tapsyrmasymen muǵalimderdiń jalaqysy jyl basynda 25 paıyzǵa ósti. Bul jumys aldaǵy 3 jylda úzdiksiz júzege asyp otyrady. Al bolashaq pedagogterdiń stıpendııasy 42 myń teńgege artty.
Osy rette muǵalimderge arnalǵan maqalalar toptamasyn usynyp otyrmyz.
Muǵalim kúnine arnalǵan maqalalardyń jalǵasy 4-5 betterden oqısyzdar