Shahar merekesindegi shattyq

– Bıyl irgesi qalanǵanyna 202 jyl tolatyn Qyzylorda kúnnen- kúnge kórkeıip keledi. Jańadan shaǵyn aýdandar boı kóterip, Syrdarııa ózeniniń sol jaǵalaýy da qarqyndy damý ústinde. Búgingi kúnge oraılastyrylyp ashylǵan «Densaýlyq saıabaǵy» oblys orta­ly­ǵyndaǵy taǵy bir tamasha nysan bolady dep senemiz, – dedi aımaq basshysy.

Oblys ákimi qaıta jańǵyr­týdan ótken «Syr ana» alańyn da aralap kórdi. Abattandyrý jumystaryn «Tehosnastka-Remservıs» JShS júrgizgen alań­da jaıaý júrginshiler joly, sport­tyq oıyn alańy jáne 2 sý burqaq ornalastyrylǵan.

Qala toıy aıasyndaǵy aıshyq­ty sharalardyń biri Jappasbaı batyr kóshesi boıyndaǵy №282 mektep-lıseıdiń ashylýy boldy. Osydan eki jyl buryn salyna bastaǵan 200 oryndyq bilim oshaǵynyń qurylysyn «Arııa-Jańa Astana» JShS júrgizipti. Jańa mektepte oqýshylar sanı­tarlyq normalardy qatań saqtaı otyryp, II toqsannan bastap oqıtyn bolady.

Qos ǵasyr jasaǵan qala mere­ke­sinde bıylǵy indette talaı jan­­dy ajaldan arashalap alyp qal­ǵan mártebeli mamandyq ıe­lerine arnalǵan «Dárigerler alleıa­synyń» ashylý rásimi ótti. «Ju­mys­pen qamtýdyń jol kartasy» baǵdarlamasy sheńberinde Nursultan Nazarbaev dańǵylyn abat­tandyrý jobasy boıynsha sa­lynǵan nysanda qala áki­mi Nur­lybek Nálibaev oblys bas­shysyna aldaǵy ýaqytta kásip­kerlerdi uıymdastyryp, oıyn attraksıondaryn ornatyp, alleıa­ny sporttyq, patrıottyq is-shara­lar ótkizetin orynǵa aınaldyrý baǵy­tyndaǵy josparlaryn jetkizdi.         

Otyz bes gektar aýmaqqa or­na­­lasqan alleıada velojol, 6 sport­tyq oıyn alańy, aıaq sý ka­naly, túngi jaryq shamdary ornalasqan. Sonymen qatar 20 717 túp kóshet, 61 myń gúl egilip, 10 450 sharshy metr aýmaq abattandyryldy.

Sharada aımaq basshysy Gúl­shara Ábdiqalyqova kópbeıindi oblystyq aýrýhana­nyń kardıo­log dárigeri Ǵalymjan Qorazov pen osy mekeme­degi reabılıtasııa bólim­she­siniń meńgerýshisi Ǵa­lııa Ábenovaǵa páter kiltin tabystady.

Merekege oraı aýylsharýa­shy­lyq ónimderi jármeńkesi uıymdastyrylyp, ony aralaý barysynda oblys ákimine shahar basshysy Nurlybek Nálibaev áleýmettik mańyzy bar ónimderdiń turǵyndarǵa naryqtaǵydan tómen baǵamen satylyp jatqanyn jetki­zip, jármeńke jeltoqsan aıyna deıin ár senbi saıyn uıymdas­tyry­latynyn aıtty.

Osy kúni oblys ortalyǵynda memleket jáne qoǵam qaıratkeri, soǵys jáne eńbek ardageri Ydy­rys Qalıevtiń bıýsti ashyldy.

Adal eńbegimen el qurmet tut­qan qaıratkerge aınalǵan azamat rýhyn ulyqtaýǵa arnalǵan sharada Qazaqstan Respýblıkasynyń Memlekettik hatshysy Qyrymbek Kósher­­baevtyń quttyqtaý jedelhaty oqylyp, oblys áki­mi Gúlshara Ábdiqalyqova el ar­daq­­tysy jaıly jyly lebizin jetkizdi.

Talaı qyzmetti abyroımen eń­sergen qaıratker tulǵanyń eń­begi ár kezde laıyqty baǵa­lanyp, 2 márte Eńbek Qyzyl Tý ordenin ıelengen, «Otan so­ǵysy», «Qurmet belgisi», táýel­siz elimizdiń «Qurmet» orden­de­rimen, birneshe medalmen ma­rapattalǵan. Qyzylorda obly­sy­nyń, qalanyń, Qazaly, Aral aýdandarynyń qurmetti azamaty atandy, Syr óńiriniń bata­góıi, aqylman aqsaqaly bol­­­­dy. Qala ortalyǵyndaǵy Jel­toqsan men A.Toqmaǵambetov kósheleri qıy­lysyna qoıylǵan qola bıýst avtory – Qazaqstan Sýretshiler odaǵy­nyń múshesi, músinshi Aman­keldi Kenenbaev.

Merekelik sharalar sheńbe­rinde Syrdarııa ózeniniń sol jaǵa­laýynan «Nurly jer» baǵdar­lamasy aıasynda boı kótergen ne­sıelik úıler paıdala­nýǵa beril­di. Oblys ákimi turǵyndarǵa páter kil­tin tabystap, qonys toıymen qut­tyqtady. Osy aýmaqtaǵy úı­ler qurylysyn «Baq-Bereke 2030», «Dáneker», «Sapaq», jáne «As­tana Servıs LTD» kompanııa­lary salǵan. Bes qabattan turatyn 200 páterlik turǵyn úıdiń jalpy aýda­ny 12 myń 619 sharshy metr.

Keıingi jyldary Qyzylorda qalasynda 14 jańa shaǵyn aýdan, 7 turǵyn úı kesheni boı kóterip, 10 myńǵa jýyq qyzylordalyq baspanaly boldy.

Bıyl jyl sońyna deıin 680 páterlik arendalyq 14 kópqabatty úı­diń qurylysyn aıaqtaý kózdelip otyr. Jeke ınvestorlar qarajaty ese­­binen 86 páterlik 1 kópqabatty tur­­ǵ­yn úıdiń qurylysy júrgizilý­de.

QYZYLORDA