Qazaq-qyrǵyz bir týǵan...

Ulttyq kelisim men qoǵamdyq biregeılikti odan ári nyǵaıtý maq­satynda Taraz qalasynda «Jam­byl oblystyq «Manas Ata» qyrǵyz etnomádenı birles­tigi» qo­ǵamdyq birlestiginiń uıymdas­ty­rýymen qyrǵyz etnosynyń mádenıeti men óneri kúni ótti. Mádenı shara barysynda atalǵan qoǵamdyq birlestiktiń tóraǵa­sy Saǵymbek Myrzabekov sóz sóı­lep, jalpyulttyq birlikti nyǵaı­tý baǵytynda jumys júrgizý bir­lestiktiń negizgi maqsaty eke­nin jet­kizdi. Sonymen qatar ol qazaq pen qyrǵyzdyń ulttyq dás­túr­lerindegi uqsastyqtar men tamyr­lastyqty saqtaý týraly áńgimeledi.

Ataqty Súıinbaı men Qataǵan, Jambyl men Molda Baǵysh, Sarbas pen Qalmyrza sııaq­ty aqyndardyń aıtystary eki eldiń de ortaq qundylyǵy bo­lyp sanalady. Sol sııaqty óner­diń barlyq salasynda da qazaq pen qyrǵyzdyń rýhanı úndes­tigi birden ańǵarylady. Qyr­ǵyz etnosynyń mádenıeti men óneri kúnine oraı Áýlıeata to­py­ra­ǵynda uıymdastyrylǵan sha­raǵa óńirdegi «Aqsaqaldar men Ana­lar» keńesteriniń ókilderi de qatysyp, birlestiktiń «Jastar qanaty» kópshilikke óz ónerlerin kór­setti. Qobyz jáne dombyra as­paptarynyń súıemeldeýi­men «Arman-aı», «Jylqychynyń jyry» ánderi shyrqaldy. О́ner­pazdar myńjyldyqtarǵa jalǵas­qan rýhanı mura «Manas» eposynan úzindiler oqyp, tarazdyqtar­dy tánti etti. Sondaı-aq qyrǵyz halqynyń uly perzenti, áıgili jazýshy Shyńǵys Aıtmatovtyń týyndylary jaıynda áńgime órbidi. Qalamgerdiń árbir shyǵarma­syn­da qazaqtyń uly bolmysy, taǵdyry men tarıhy kórinis tabatyny aıtyldy. Sonymen qatar jazýshynyń «Qosh bol, Gúlsary», «Erte qaıtqan tyrnalar» atty ataqty shyǵarmalarynan úzindi­ler sahnalandy. Shyǵarmada beı­ne­lenetin tulpar Gúlsarynyń taǵ­dyry, Tanabaı men Shoranyń dos­tyǵy, jalpy, soǵystan keıingi kezeń­niń qıyndyǵy, adamdardyń ara­syn­daǵy ádiletsizdik sııaqty kóri­nis­terge kópshilik kýá boldy.

Jıyn sońynda óner kórsetken ónerpazdarǵa alǵys hattar men syılyqtar tabys etildi.

Jambyl oblysy