"Qazgıdromet" RMK 3-5 qazanǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń habarlaýynsha, jeksenbi kúni – soltústik-batys, soltústik, al kelesi aptanyń basynda Qazaqstannyń ortalyǵy men shyǵysy sıklon jyrasynyń yqpalynda bolady. Bul sıklonnyń ortalyǵy Taımyr túbeginiń ústinde ornalasqan jáne arty qarǵa ulasatyn jańbyr ákeledi.
Elimizdiń qalǵan aýmaǵy Barens teńizi aýdandarynan keletin keń antısıklonnyń yqpalynda bolady. Antısıklon negizinen jaýyn-shashynsyz aýa raıyn qalyptastyrady.
Respýblıka boıynsha aýa temperatýrasynyń birtindep tómendeýi, keı jerlerde tuman, jeldiń kúsheıýi, soltústikte, ortalyqta jáne shyǵysta - kóktaıǵaq, tómen burqasyn kútiledi.