Shanhaı yntymaqtastyq uıymyna múshe memleketterdiń áskerı oqý-jattyǵýlary geografııasynyń keńeıýine baılanysty qatysýshylar quramyna Úndistan men Pákistan qosylatyn bolady.
QR Parlamenti Senaty otyrysy barysynda «2007 jylǵy 27 maýsymdaǵy birlesken áskerı oqý jattyǵýlardy ótkizý týraly Shanhaı yntymaqtastyq uıymyna múshe memleketter arasyndaǵy kelisimge tolyqtyrýlar engizý týraly hattamany ratıfıkasııalaý týraly» zań jobasyn qoldady. Atalǵan Hattamanyń kúshine enýi úshin kelisimge qol qoıǵan memleketter: Qazaqstan, Qytaı, Qyrǵyzstan, Reseı, Tájikstan jáne О́zbekstan memleketterimen ratıfıkasııalanýy tıis.
Osylaısha Úndistan men Pákistan uıymǵa múshe memleketterdiń aýmaǵyndaǵy birlesken áskerı oqý-jattyǵýlaryna qatysý, sondaı-aq óz aýmaqtarynda ShYU aıasynda lańkestikke qarsy birlesken áskerı oqý-jattyǵýlardy ótkizý úshin kelisimge qosyla alady.
Joǵaryda kórsetilgen kelisim 2007 jyldyń maýsym aıynan bastap Qazaqstan, Qytaı, Qyrǵyzstan, Reseı, Tájikstan men О́zbekstan memleketteri arasynda qoldanysta ekenin atap ótken jón. Sonymen qatar, osy uıym sheńberinde birlesken áskerı oqý-jattyǵýlar, lańkestikke qarsy «Beıbit mıssııa» oqý-jattyǵýy ótedi.