Nur-Sultan qalasyndaǵy M.Gorkıı atyndaǵy Memlekettik akademııalyq orys drama teatry jańa 120-mereıtoılyq teatr maýsymyn ashty, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Esterińizge sala keteıik, ózin-ózi oqshaýlaý kezeńinde shyǵarmashylyq top astanalyqtardy qoıylymdarymen jáne áleýmettik jelilerdegi sıýjetter men suhbattarymen qýantqan bolatyn. Artıster beınematerıaldar daıyndap, chellendjderge qatysty, óz ónerin onlaın rejıminde teatr jankúıerlerine usyndy.
Mereıtoılyq maýsymnyń ashylýyna oraı teatr akterler medaldarmen jáne alǵys hattarmen marapattaldy.
120-shy teatr maýsymynyń ashylý saltanatyna qatysqan Mádenıet jáne sport mınıstri Aqtoty Raıymqulova Qazaqstan Respýblıkasynyń Prezıdenti Q.Q.Toqaevtyń quttyqtaý hatyn oqydy. Sondaı-aq ol «Eńbek ardageri» medaldaryn Qazaqstan Respýblıkasynyń eńbek sińirgen artısi Natalıa Kosenkoǵa, «Mádenıet salasynyń úzdigi» Natalıa Matveevaǵa, QR eńbek sińirgen artısi, teatrdyń bas rejısseri Bekpýlat Parmanovqa tabystady; «Mádenıet salasyǵy úzdigi» tósbelgileri teatrdyń dırektory Aıbolat Jaýdyrǵa, akterlar Ivan Anopchenkoǵa, Oksana Boıkoǵa, Igor Sedınge, óndiris bóliminiń bastyǵy Rýslan Mýhamadıevke, bas ákimshi Tatıana Shýljenkoǵa, kadrlar ınspektory Janar Mýbarakovaǵa berildi.
Qazaqstan Respýblıkasy Mádenıet jáne sport mınıstriniń alǵys hattarymen teatr artısteri Nına Drobotova, Margarıta Mýhametdıeva, Larısa Lebedeva, elektrlik seh meńgerýshisi Aıdyn Dosaev marapattaldy.
Nur-Sultan qalasy ákiminiń alǵys hattarymen Tatıana Alıeva, Marııa Bandysheva, Aıjuldyz Baýlanova, Evgenıı Karacharov, Bolat Kırıbaev, Aleksandr Korjenko, Lıýdmıla Krıýchkova, Anastasııa Kýmbaroskı, Aleksandra Kýstovskaıa, Serık Kýshkýmbaev, Aleksandr Lýkashevıch, Araılym Mýsabaeva, Aınagýl Sýleımenova, Naılıa Terehına, Nadejda Shevchenko, Danıl Homko marapattaldy.
Aıta keteıik, sońǵy teatrlyq maýsymda ǵana ujym birneshe teatr festıvalderine qatysty. Atap aıtqanda, ujym «Teatr. Birlik aýmaǵy» Halyqaralyq teatr festıvalderi odaǵynyń 1-shi festıvaliniń laýreaty Dıplomy men statýetkasyn aldy (Vladımır, RF). «Teatrlyq kúz» 1-shi aımaqaralyq festıvalde (Kókshetaý q.) qazylar alqasynyń sheshimimen «Iаzychnıkı» dramasy «Úzdik qoıylym» nomınasııasynda jeńiske jetti; S.Matveevtiń «Pýshkın» jeke qoıylymy Kókshetaýda ótken II Respýblıkalyq kishi teatr festıvaliniń laýreaty boldy. Qyrǵyzstan Respýblıkasynyń halyq artısi, Mádenıet qaıratkeri Sergeı Matveev «Úzdik er adam róli» syılyǵymen marapattaldy. Ujym Semeıde ótken QR halyq ártisi Ámına О́mirzaqovanyń 100 jyldyǵyna arnalǵan XXVII Respýblıkalyq teatr festıvalinde «Úzdik akterlik ansambl» syılyǵy men dıplomynyń ıegeri.