Osydan eki apta buryn Petropavl qalasyndaǵy «Mechta» dúkeninde jumys isteıtin Denıs Grıgorev pen Ivan Baranovskıı terezeden qulaı jazdaǵan keıýanany qutqarýǵa kómekteskenin buryn jazǵan bolatynbyz. Keshe SQO PD bastyǵy polısııa polkovnıgi Marat Tólebaev osy eki azamatqa qyraǵylyǵy úshin Alǵys hat tapsyrdy.
Azamatty ajaldan qutqarýǵa kómektesken batyl petropavldyqtardy marapattaý rásimi qalalyq polısııa basqarmasynyń jeke quramynyń qatysýymen ótti. «Qyzmettik mindetten basqa kezde de qıyndyqqa tap bolǵan adamǵa qol ushyn sozýdy azamattyq borysh dep biletin ár túrli jaǵdaılarmen polısııa qyzmetkerleri ushyrasyp jatady. Árıne, bizdi óz qalaýlarymen polıseılerge kómekteskender, adam janyna arasha bolǵandar qatty qýantady», - dedi qalanyń bas polıseıi.
Eske sala ketetin bolsaq, 14 qyrkúıek kúni dúken qyzmetkerleri patrýldik polıseılermen birge terezeden qulap kete jazdaǵan 81 jasar zeınetkerge dúkenniń shatyrynan túsýge kómektesken bolatyn. Ájeı aýrýhanaǵa jetkizilgen. «Adam ómiri qyl ústinde turǵanda meniń ornymdaǵy kez-kelgen jan oılanbastan dál izdeı áreket jasar edi dep oılaımyn. Bizdiń shaǵyn eńbegimizdi baǵalaǵan Polısııa departamenti bastyǵyna rızashylyǵymdy bildiremin», - dedi alǵys alǵandardyń biri Ivan Baranovskıı.
PETROPAVL