Batys Qazaqstan oblysynyń úzdik muǵalimderi kásibı mereke kúnine oraı túrli maqtaý-marapatqa ıe boldy, dep habarlaıdy Egemen.kz
Oral qalasyndaǵy Saltanat saraıynyń úlken zalynda ótken «Ustaz – uly esim» atty sharaǵa óńir basshysy Ǵalı Esqalıev qatysty.
– Búginde oblysymyzdaǵy 150 myńnan astam stýdent pen oqýshyǵa 21 myńnan asa muǵalim men oqytýshy sabaq berip júr eken. Bilikti mamandar tárbıelegen shákirtter bizdi túrli jetistigimen qýantyp keledi. Bıyldyń ózinde 35 oqýshymyz respýblıkalyq jáne halyqaralyq olımpıadalar men ǵylymı baıqaýlardyń jeńimpazy atandy. 29 oqýshy IQanat olımpıadasynda úzdik shyǵyp, Qazaqstan Respýblıkasynyń Tuńǵysh Prezıdenti Nursultan Nazarbaev qorynyń grantyna ıe boldy. Olar endi oqýyn IQanat High School Burabaý mektebinde jalǵastyrady. Dál osy kórsetkish boıynsha Batys Qazaqstan oblysy – respýblıkada alda tur, – dedi óz sózinde Ǵalı Nájimedenuly.
Bul kúni óz salasynda top jaryp, úzdik shyqqan muǵalimder túrli syılyqpen, sertıfıkat jáne maqtaý qaǵazdarymen marapattaldy.
Elimizde muǵalimderdiń shyǵarmashylyq áleýetin kóterý, kásibı sheberligin shyńdaý maqsatynda «Úzdik pedagog» konkýrsy 2012 jyldan bastap ótkizilip keledi. Bıylǵy baıqaýdyń oblystyq kezeńinde jeńimpaz atanǵan Syrym aýdany Qadyr Myrzalıev atyndaǵy mekteptiń tarıh jáne quqyq pániniń muǵalimi Gúldana Nuǵmanova men oblystyq tehnıkalyq shyǵarmashylyq ortalyǵynyń qosymsha bilim berý pedagogi Mırbolat Quspanov «Úzdik pedagogke» tósbelgisine jáne 2 778 000 teńge kólemindegi syıaqyǵa ıe boldy.
Osy kúni Oral qalasyndaǵy №35 mektep-lıseıiniń matematıka páni muǵalimi Sálıma Álıeva, Báıterek aýdany «Erkemaı» bóbekjaıynyń meńgerýshisi Tatıana Savchenko, Oral «Servıs» tehnologııalyq kolledjiniń óndiristik oqytý sheberi Galına Belova Qazaqstan Respýblıkasy Bilim jáne ǵylym mınıstrliginiń «Y.Altynsarın» tósbelgisimen marapattaldy.
Al Qaztalov aýdany Ǵ.Moldashev atyndaǵy orta mekteptiń qazaq tili men ádebıeti pániniń muǵalimi Láılá Bádelova, Batys Qazaqstan oblystyq otbasy úlgisindegi balalar aýylynyń ana-tárbıeshisi Farıda Aqmurzına, Qaratóbe kolledji matematıka pániniń oqytýshysy Záýresh Jumaǵalıeva, Jahansha Dosmuhambetov atyndaǵy joǵary pedagogıkalyq kolledjiniń oqytýshysy Qyrymjan Jaqypova, Bórli kolledjiniń dırektory Murat О́temuratovjáne Terekti kolledjiniń óndiristik oqytý sheberi Darıǵa Ormanova «Bilim berý isiniń qurmetti qyzmetkeri» tósbelgisin óńirine taqty.
Qazaqstan Respýblıkasynyń «Pedagog mártebesi týraly» Zańyna sáıkes bıyl bilim salasyndaǵy jetistikteri úshin oblys ákiminiń qaýlysymen «Batys Qazaqstan oblysynyń bilim salasyna qosqan úlesi úshin» tósbelgisi jáne 300 eselengen tómengi aılyq eseptik kórsetkish kólemindegi syıaqy belgilendi. Daryndy balalarǵa arnalǵan Sáken Seıfýllın atyndaǵy №11 oblystyq mamandandyrylǵan mektep-ınternatynyń bastaýysh synyp muǵalimi Gúlshat Sýhanova bul syılyqtyń tuńǵysh laýreaty atandy.
Al oblystaǵy túrli mektep pen kolledjderde eńbek etetin Jeńis Shońbaev, Olga Galkına, Asan Zaırov, Álııa Hasanova, Jádiger Negmetov, Gúlmıra Tashaeva, Raılash Chýıýnshalıeva, Irına Lýkashova, Serik Álimbekov, Ýzypa Satybaldıeva, Gúlbarshyn Sapahova jáne Marjan Kapashevalar Batys Qazaqstan oblysy ákiminiń Alǵys hatymen marapattaldy.
Batys Qazaqstan oblystyq bilim basqarmasy jyl saıyn oblystyq kásipodaq uıymymen birigip túrli atalymda arnaıy syılyqtar usynýdy dástúrge aınaldyrǵan bolatyn. Bıylǵy s vyılyq - «Saryaǵash» shıpajaıyna joldamany Batys Qazaqstan oblystyq bilim jáne ǵylym qyzmetkerleriniń kásipodaq uıymynyń tóraǵasy Marat Daýpaev tapsyrdy. Joldamaǵa bilim berý uıymdarynyń basshylaryna arnalǵan «Úzdik kóshbasshy» atalymynyń ıegeri atanǵan Syrym aýdany «Baldyrǵan» balabaqshasynyń meńgerýshisi Ǵalııa Balpysova, «Dırektordyń oqý-tárbıe isi jónindegi úzdik orynbasary» atalymynyń ıegeri Bókeıordasy aýdany Sh.Jeksenbaev atyndaǵy orta mektebi dırektorynyń orynbasary Venera Tańatova, qashyqtan oqý jaǵdaıynda oqý prosesin tıimdi uıymdastyra bilgen pedagogtar arasyndaǵy «IT pedagog» atalymynyń ıegeri Bórli aýdany Aqsaı qalasynyń №3 orta mektebi ınformatıka pániniń muǵalimi Maıra Muhambetqalıeva, qaıyrymdylyq istermen aınalysyp, úles qosyp júrgen pedagogtar arasynda «Volonter pedagog» atalymynyń ıegeri Shyńǵyrlaý aýdany L.Qylyshev atyndaǵy orta mektebiniń dene shynyqtyrý páni muǵalimi Damılıa Turǵalıeva, bala tárbıesimen birge pedagogıkalyq qyzmetti qatar alyp júrgen kóp balaly ana pedagogtar arasyndaǵy «Altyn urpaq» atalymynyń ıegeri Tasqala aýdany Dostyq orta mektebiniń matematıka pániniń muǵalimi Nursulý Izgalıeva jáne pedagogtar arasyndaǵy «Tabıǵat janashyry» nomınasııasynyń ıegeri Batys Qazaqstan oblystyq ekologııalyq-bıologııalyq ortalyǵynyń qosymsha bilim berý pedagogy Jańylaı Jalgeldeevalar ıe boldy.