«Samuryq-Energo» AQ-nyń aǵymdaǵy shyǵystary men kúrdeli sıpattaǵy shyǵystary 2020 jyly 18,5 mlrd teńgege qysqartyldy. Qysqartý sharalary «Samuryq-Qazyna» UÁQ» AQ basqarma tóraǵasy Ahmetjan Esimovtiń «Samuryq-Qazyna» AQ jedel shtaby otyrysynda bergen tapsyrmalaryn oryndaý aıasynda iske asyrylýda.
Eske sala keteıik, «Samuryq-Qazynanyń» quramyna kiretin kompanııalardyń aldyna keń aýqymdy mindetter qoıylyp, naqty tapsyrmalar berilgen bolatyn, solardyń qatarynda ózderiniń óndiristik qyzmetine tikeleı áser etpeıtin shyǵystardy qysqartý, kompanııalardaǵy basshylyq laýazymdar men vakansııalardy qysqartý turǵysynan uıymdyq qurylymdaryn qaıta qaraý jáne t.b. jumystar qolǵa alyndy.
2020 jylǵa josparlanǵan shyǵystardy taldaý qorytyndysy boıynsha «Samuryq-Energo» AQ konsýltasııalyq, aýdıtorlyq jáne zańgerlik qyzmettermen, baǵdarlamalyq jasaqtamany súıemeldeýmen jáne jańartýmen, rezerv jasaý jáne avtokólikti ustaý shyǵyndarymen baılanysty jáne ózge de aǵymdaǵy shyǵystaryn qysqartty. Operasııalyq shyǵystarymen qatar, kompanııa kúrdeli sıpattaǵy shyǵystaryn da qaıta qarady, bul boıynsha ońtaılandyrý 15,8 mlrd teńgeni nemese jalpy ınvestısııalyq shyǵystardyń 13%-yn qurady.
Elimizdiń asa iri elektr energetıkalyq holdıngi kúrdeli epıdemııalyq ahýal kezinde óziniń qyzmetkerlerin qoldaý úshin qajetti sharalardy qolǵa aldy. Karantın kezeńinde kompanııanyń elektr stansalary men kásiporyndarynda jumys oryndaryn qysqartýǵa, jalaqyny keshiktirýge jol berilmedi, sondaı-aq eńbek zańnamasynda jáne ujymdyq sharttarda belgilengen ótemaqylar tólenip, jeńildikter qarastyryldy.
«Samuryq-Energo» AQ elektr energetıkasy jáne kómir óndirý salalaryndaǵy jumysy shtattyq rejimde iske asyrylýda.
Jyldyń qorytyndysy boıynsha elektr energııasyn óndirý kólemi 30,5 mlrd kVt saǵ deńgeıinde, 2019 jylmen salystyrǵanda ósim 0,3 mlrd kVt saǵ bolady degen boljam jasalýda (2019 jyly óndirý kólemi 30,2 mlrd kVt saǵatty qurady).