"Qazgıdromet" RMQ 6-8 qazanǵa arnalǵan aýa raıy boljamyn jarııalady, dep habarlaıdy Egemen.kz.
Qazaqstannyń kóptegen óńrindegi sınoptıkalyq jaǵdaı soltústik-batystan jaqyndap keletin sýyq antısıklonmen anyqtalatyn bolady. Ol bultty óristerdi birtindep taratady, osyǵan baılanysty túnde aýa temperatýrasy tómendeıdi.
Tek respýblıkanyń soltústik jáne shyǵys óńirleri ǵana soltústik sıklon jyrasynyń yqpalynda bolady. Munda jańbyr men qar túrinde jaýyn-shashyn túsedi, ekpindi jel, kóktaıǵaq, túngi jáne tańerteńgi ýaqytta tuman túsedi.