Majarstannyń Sombatheı qalasynda sporttyq gımnastıkadan Álem kýbogy aıaqtaldy. Bul dodany Qazaqstannyń ulttyq quramasy bir altyn jáne úsh kúmis medalmen qorytyndylady, dep habarlaıdy Egemen.kz.
Jarystyń alǵashqy kúni Narıman Qurbanov "atta" altyn jáne Ilııas Ázızov erkin jattyǵýda kúmis medaldi ıelengeni jaıynda biz buǵan deıin de baıandaǵanbyz. Kelesi kúni qorjynymyz taǵy da qos júldemen tolyqty. Talaı baıraqty básekede júlde alyp júrgen saqa sportshy Mılad Karımı "brýsıa" men "kerme" jattyǵýlarynyń nátıjesi boıynsha ekinshi oryndy enshiledi.
"Álem kýbogynda 14 memlekettiń ókilderi baq synady. Azııa qurlyǵynan Qazaqstan ǵana qatysty. Majarstanǵa biz nebary úsh sportshy ǵana aparǵanymyzǵa qaramastan, tórt júldege ıelik ettik. Bul óte jaqsy nátıje", deıdi Qazaqstan quramasynyń bas bapkeri Aleksandr Kım.