Ishki ister mınıstrliginiń kadr saıasaty deparatmentiniń bastyǵy Aıdar Saıtbekov Qazaqstanda polısııany servıstik modelge aýystyrý aıasynda birneshe pılottyq joba qolǵa alynǵanyn aıtty, dep habarlaıdy Egemen.kz.
"Biz AQSh, Ulybrıtanııa men Kanada sııaqty memleketterde keńinen taraǵan sherıfter modelin zerdelep shyǵýdy josparlap otyrmyz. Ol jaǵynan AQSh elshiligi kómektesýge daıyn", dedi Saıtbekov onlaın brıfıngte.
Departament basshysynyń aıtýynsha, polısııany servıstik modelge aýystyrý EQYU-nyń qoldaýymen Qaraǵandy qalasynda synaqtan ótip jatyr. Sosyn oblystyq ákimdik aıasynda dál sondaı joba qolǵa alynǵan.
"Bul polısııanyń bári dál qazir kóshege shyǵýy tıis degen sóz emes. Quqyq qorǵaýshylar polısııanyń kómegi qajet jerde ǵana júrý kerek. Shartty túrde úsh oryn bar. Birinshisi – qaýipsiz oryn, ol jerde polısııanyń qajeti joq. Ekinshisi – ishinara qaýipsiz oryn, ondaı jerge polısııa belgili bir ýaqytta, mysaly, adam kóp jınalǵan kezde keledi. Úshinshisi – qaýipti oryn, ol jerlerde quqyq qorǵaýshylar únemi júrýi kerek", dep túsindirdi Aıdar Saıtbekov.