2020-2021 jyldardaǵy jylý berý maýsymyn turaqty túrde ótkizýge kommýnaldyq kásiporyndar aǵymdaǵy jáne kúrdeli jóndeý, qaıta jańǵyrtý jumystaryn bekitilgen is-sharalar josparyna sáıkes júrgizýde, dep habarlaıdy Egemen.kz oblys ákimdiginiń baspasóz qyzmetine silteme jasap.
Tutynýshylardy elektr jáne jylý energııasymen, gaz jáne sýmen qamtamasyz etetin kommýnaldyq kásiporyndardyń jóndeý jumystary 97%-ǵa oryndaldy. Ortalyqtandyrylǵan jylý júıesine qosylǵan kóp qabatty turǵyn úılerdiń daıyndyǵy 97%-dy quraıdy. Oblys boıynsha 1185 áleýmettik sala nysandarynyń jóndeý jumystary 100 % oryndaldy.
Sonymen qatar oblys boıynsha "Jumyspen qamtýdyń jol kartasy" jáne memlekettik-jekeshelik áriptestik aıasynda 19 áleýmettik nysannyń jylý qazandyqtaryn gaz otynyna beıimdeldi. Jalpy qysqa daıyndyq máseleleri oblystyq shtabtyń turaqty baqylaýynda.