Indet kezinde ilgeri shepte júrgen dárigerlerdiń eńbegin eli eskerýsiz qaldyrmaýda. Pandemııa kezinde aq halatty abzal jandar ózderiniń kásibı boryshyn abyroımen oryndady. Juqpaly aýrýmen kúresýde eshteńege qaramaı jeke bastaryn qaýip-qaterge tigip, jumysyn jalǵastyrǵan barlyq aq halattylarǵa qansha alǵys bildirsek te jetkiliksiz. Kásipodaqqa COVID-19-ben kúresýde aldyńǵy qatarda turǵan medısına qyzmetkerleriniń óz kúshterin qalpyna keltirýi óte mańyzdy, deıdi turǵyndar.
Dárigerlerge qurmet kórsetýde «SENIM» densaýlyq saqtaý júıesi jumyskerleriniń salalyq kásiptik odaǵy» RQB Mańǵystaý oblystyq fılıaly da qalys qalyp jatqan joq. Keshe ǵana indet juqtyryp qaıtys bolǵan dárigerlerdiń otbasyna 3 mln teńge qarjy bólgen olar endi COVID-19 indetin juqtyryp, aýyrǵan medısına qyzmetkerlerin tegin joldamalarmen qamtamasyz etýde. Iаǵnı «SENIM» kásipodaǵynyń Mańǵystaý oblystyq fılıaly medısına qyzmetkerlerin qoldaýǵa jáne olarǵa densaýlyǵyn qalpyna keltirýge múmkindik berýge sheshim qabyldady. О́z mindetterin oryndaý kezinde indetti juqtyrǵan jáne koronavırýstyq ınfeksııamen aýyr nemese ortasha túrde aýyrǵan kásipodaq músheleri kásipodaq qarajaty esebinen elimizdiń emdik shıpajaılarynda tegin emdele alady.
Bul baǵytta kásipodaq pen shıpajaılar arasynda kelisim jasalyp, joldamalar satyp alyndy. Búgingi tańda óńirdegi medısınalyq uıymdarǵa 100 paıyzdyq tólemmen 50 joldama bólindi.
Qıyn kezde birin-biri qoldap, qorǵaǵan halqymyzdyń qandaı qıyndyqtan da qaımyqpaı shyǵary anyq.
Mańǵystaý oblysy