Búgin Nur-Sultanǵa ushyp kelgen 170 jolaýshy stasıonarlarǵa jatqyzyldy, dep habarlaıdy Egemen.kz áýejaıdyń baspasóz qyzmetine silteme jasap.
Aıta keteıik, elordaǵa ushar aldynda 170 jolaýshyda PTR testileri bolmaǵan.
"Búgin Nur-Sultan áýejaıyna tórt ushaq qondy, Turkish Airlines, Air Astana jáne Flydubai avıakompanııalary, barlyǵy 478 jolaýshy men 28 ekıpaj múshesi kelip qondy. Olardyń 170-inde PTR testileri bolmaǵan nemese merzimi ótken, olar qaladaǵy qonaq úılerge ornalastyrylǵan aýrýhanalarǵa jatqyzyldy. Joǵary temperatýraly jolaýshylar anyqtalǵan joq. PTR-test tapsyrǵannan keıin jolaýshylardy úılerine jiberedi, oń nátıje bolǵan jaǵdaıda ınfeksııalyq stasıonarǵa jatqyzylady", delingen habarlamada.
Eske sala keteıik, buǵan deıin elordalyq áýejaı bas sanıtarlyq dárigerdiń jańa erejesi boıynsha jolaýshylardy qabyldaýǵa daıyndyǵyn teksergen bolatyn.
Búgin saǵat 00.00-de Qazaqstannyń bas sanıtarlyq dárigeri Erlan Qııasovtyń memlekettik shekaradaǵy ótkizý pýnktterinde koronavırýstyq ınfeksııa aýrýlarynyń aldyn alý jónindegi sharalardy odan ári kúsheıtý týraly jańa qaýlysy kúshine endi.