Osy jyldyń aqpan aıynda Jetisaı aýdany Kúrishti aýylynyń turǵyny 99 jastaǵy Kúlaı Súgirbaevanyń osy ýaqytqa deıin jeke kýálik almaǵany týraly másele kóterilgen edi. Sol kezde anyqtalǵandaı Kúlaı áje óziniń barlyq qujattaryn joǵaltyp alyp, sonyń saldarynan ul-qyzdary da qujatsyz júrgen eken.
Al polıseıler bolsa, Kúlaı Súgirbaeva jeke basyn kýálandyratyn qujat alý jóninde Jetisaı aýdany polısııa bólimine ótinish bildirip, kóshi-qon qyzmeti bólimshesine júginbegenin aıtqan bolatyn.
Osyǵan baılanysty qarııaǵa tártip saqshylary Ishki ister mınıstriniń buıryǵyna sáıkes Qazaqstan azamattyǵyna qujattandyrý úshin birinshi kezekte polısııa bólimine baryp ótinishhat jazýy tıis ekendigi túsindirilgen. Oǵan qosa Qazaqstan azamattyǵyna tıesili ekenin anyqtaý úshin ótinishhatpen birge týý týraly kýálik, eńbek kitapshasy, orta nemese tolyq orta emes bilimi týraly attestat, dıplom nemese sharýashylyq boıynsha kitaptan úzindi kóshirmelerin tapsyrýy qajet. Alaıda tekserý barysynda joǵaryda kórsetilgen qujattardyń eshqaısysy azamatsha K.Súgirbaevada joq ekendigi belgili boldy.
Jetisaı aýdandyq polısııa bólimi kóshi-qon qyzmetiniń qyzmetkerleri Ishki ister mınıstrliginiń talaptaryn egjeı-tegjeıli túsindire otyryp, Kúlaı Súgirbaevaǵa qujattaryn jınaqtaýǵa kómektesti. 2-3 aı aralyǵynda sot sheshimimen týý týraly kýáligi qalpyna keltirilip, daıyn boldy. Odan keıin jedel áreket etken polıseıler azamatsha K.Súgirbaevanyń Qazaqstan azamattyǵyn rastaý týraly ótinishhatyn qabyldady. 20 kúnnen keıin turǵynnyń jeke kýáligi daıar boldy. Osylaısha bir ǵasyr jasaǵan ájeıge jeke kýáligin tapsyrý úshin tártip saqshylary barlyq qajetti sharalardy júrgizip, kómek qolyn sozdy. Daıyn qujatty aqjaýlyqty ananyń shańyraǵyna baryp, arnaıy tapsyrdy.
О́z kezeginde jetisaılyq 100 jastaǵy ana qujattaryn jasap bergen polıseılerge alǵysyn bildirip, jumystaryna tabys tilep, aq batasyn berdi.