Pandemııa bastalǵaly ómir súrý tártibimiz ózgerip, qashyqtan qarym-qatynas ornatatyn kúnge jettik. Jańa jaǵdaıda túrli jıyndar men bilim berý salasy onlaın formatqa kóship, damýdyń jańa deńgeıine qadam basqandaı boldyq. Osy bir sátte ZOOM platformasynyń ıgiligi kim-kimge de tıgen bolar. Alysty jaqyn etip, myńdaǵan qashyqtyqty jalǵaǵan bul qosymshaǵa alǵashynda balama joqtaı kórinip edi. Endi mine, pavlodarlyq ónertapqysh amerıkalyq qosymshaǵa balama bolar platforma jasap shyǵarypty.
Buǵan deıin birneshe áleýmettik jobalardy dúnıege ákelgen pavlodarlyq ónertapqysh Ál-Farabı Uzaq jumys isteý tártibi ZOOM-ǵa uqsas MeeToU platformasyn iske qosty. IT-mamannyń aıtýynsha, bul júıeniń amerıkalyq platformadan artyqshylyǵy kóp. Eger ZOOM-nyń tegin júıesinde adam sany 100-ben, al ýaqyt uzaqtyǵy 40 mınýtpen shektelgen bolsa, otandyq platformada mundaı shekteýler joq. Munda baǵdarlamany júktep, keı adamdarǵa ári qaraı neni basý kerek, ony qalaı júkteý kerek degen syndy máseleler bolmaıdy, óıtkeni MeeToU platformasyn kompıýterge nemese smartfonǵa júkteý qajet emes. Qoldanýshy arnaıy silteme arqyly beınekonferensııaǵa avtomatty túrde qosylady.
О́nertapqyshtyń aıtýynsha, atalǵan qosymsha bir adamdy ekinshi adammen vıdeo arqyly baılanystyrýǵa múmkindik beretin WebRTC tehnologııasymen jasalǵan. Qosymshanyń jumys isteý prınsıpi kez kelgen adam úshin qolaıly ári ońaı. Munda da amerıkalyq platformadaǵydaı mıkrofonyńyz ben kamerańyzdy qajet ýaqytynda ózgelerge bóget jasamas úshin óshire alasyz. Spıkermen ınteraktıvti baılanys ornatý úshin qajet bolatyn fýnksııalardyń barlyǵy qarastyrylǵan.
«MeeToU qosymshasyn jasaý kezinde eń áýeli túrli beınebaılanys ornatýshy baǵdarlamalardy zerttep shyqtym, oǵan bir jarym aıǵa jýyq ýaqyt ketti. Zertteý jumystarynyń qorytyndysy nátıjesinde bir aı ishinde ózindik artyqshylyqtary bar otandyq platforma dúnıege keldi. Qazir adamdarǵa baǵdarlamany qoldaný jeńil bolýy úshin iOS jáne Android-qa arnalǵan júıe jasaldy. Endi mobıldi qosymshany App Store jáne Play Marketke salýdy josparlap otyrmyz», – dedi Á.Uzaq.
Búginde MeeToU qosymshasy arqyly S.Toraıǵyrov atyndaǵy Pavlodar memlekettik ýnıversıtetiniń stýdentteri onlaın bilim alýda. Sondaı-aq platforma kómegimen ýnıversıtet pedagogteriniń jınalysyn onlaın-formatta ótkizý testilenip jatyr. Ázirge oǵan bir ýaqytta árqaısysynda 100 adam bar 4 lek qosyla alady. Aldaǵy ýaqytta olardyń sanyn arttyrý kózdelgen.
It-Hub dırektorynyń mindetin atqarýshy Darııa Ábikenova qazir atalǵan servıs aprobasııadan ótkenin jáne ony oqý úrdisine engizý úshin jumystar sátti júzege asyrylyp jatqanyn aıtady. Ál-Farabı Uzaq platforma testileý deńgeıinen ótken soń, tolyqtyrýlar men ózgeristerden keıin qosymshany elimizdiń basqa da oqý oryndaryna usynýdy josparlap otyr.
Jas mamannyń buǵan deıingi aýyl sharýashylyǵy ónimderi taýarlaryn bir júıege baılanystyrýshy KazAgroTrade jáne túrli taýarlardy jetkizý qyzmetin usynýshy GreenMart qosymshalary qoldanýshylardyń jumysyn jeńildetip, ýaqytyn únemdep, áleýmet arasynda keń qoldanysqa engen edi. Endigi ishki baılanys quraly retinde jasalǵan dúnıesi de qoǵamǵa paıdaly bolady dep senemiz.