Nur-Sultanǵa ushyp kelgen taǵy 123 jolaýshy aýrýhanaǵa jatqyzylyp, eki jolaýshy departasııalandy. Bul týraly elordalyq áýejaıdyń baspasóz qyzmeti habarlady, dep jazady Egemen.kz.
Búgin Nur-Sultan áýejaıyna Scat, Velavııa jáne Air Astana áýe kompanııalarynyń ushaqtary qondy, bortta barlyǵy 521 jolaýshy men 48 ekıpaj múshesi boldy. Reıster Sharm-el-Sheıh (charterlik), Mınsk, Dýbaı jáne Ystambuldan oryndaldy.
"123 jolaýshynyń PTR-synaqtary bolǵan joq, olar stasıonarlarǵa jatqyzyldy. Túrkııa men Belarýssııadan kelgen eki jolaýshy departasııalandy. Joǵary temperatýraly jolaýshylar anyqtalǵan joq. PTR testin tapsyrǵannan keıin jolaýshylardy úılerine jiberedi, oń nátıje bolǵan jaǵdaıda ınfeksııalyq stasıonarǵa jatqyzylady", dep túsindirdi baspasóz qyzmeti.