Qyzylorda oblysy Qazaly aýdanynyń aýyldary kógildir otynnyń ıgiligin kórmek. Ǵanı Muratbaev aýylyna kvartalishilik gaz qubyrlarynyń qurylysy júrýde. Bul úshin oblystyq bıýdjetten 239,507 mln teńge qarjy bólingen, dep habarlaıdy Egemen.kz oblys ákiminiń baspasóz qyzmetine silteme jasap.
Gaz jelisi Áıteke bı kentindegi úshtaǵan janynan bastaý alady. Jobada 6,1 shaqyrym orta qysymdy gaz jelisi, 12,2 shaqyrym tómen qysymdy gaz jelisi, 2 gaz rettegish shkafy qaralǵan. Buǵan qosa jańadan salynǵan 30 dan astam turǵyn gaz otynyna qosylady.
Bas merdigeri "Sapaq" JShS gaz tartý jumystaryna 30 adamdy qamtyp, tıisti jumystardyń 70 paıyzyn aıaqtaǵan.Qazaly qalasynda da gazdandyrý isi qarqyn alýda. Qurylys jumystary 14 aıǵa sozylady. Bul maqsatta 982,0 mln teńge qarjy qaralǵan. Jobada 1558 turǵyn úı tabıǵı gazben qamtamasyz etilip, 8000 nastam turǵyn tabıǵı gaz otynyn paıdalanatyn bolady.
Búgingi kúnge gazdandyrýdyń qurylysyn bastaýǵa aýdandyq bıýdjetten 3,7 mln teńge, oblystyq bıýdjetten 200,0 mln teńge qarjy bólinip, memlekettik satyp alý jumystary bastalǵan.