QR Qarýly Kúshterinde «Altyn jebe-2020» arnaıy operasııalar kúshteriniń komponentterin keshendi tekserý jalǵasýda.
Atyraý garnızonynyń jeke quramy jaýyngerlik dabyl boıynsha kóterildi. «Altyn jebe-2020» arnaıy operasııalar kúshterin keshendi tekserý sheńberinde áskerı qyzmetshiler marsh laqtyryp, qoıan-qoltyq urysqa shyqty. Armııalyq taktıkalyq oq atýlar ótkizilip, kúndizgi jáne túngi ýaqytta artıllerııa atysyn túzetý jáne armııalyq avıasııany baǵyttaý jónindegi mindetterdi oryndady. Sondaı-aq, olar áskerı topografııa, dıversııalyq is, radıasııalyq, hımııalyq jáne bıologııalyq qorǵaý, medısınalyq daıyndyq boıynsha arnaıy normatıvterdi tapsyrdy.
Sonymen qatar, Semeı garnızonynda arnaıy bólimshelerdi tekserý aıaqtaldy. Túngi ýaqytta 300-den astam áskerı qyzmetshi dabyl boıynsha kóterildi. Olar jaýyngerlik maqsattaǵy aımaqqa on shaqyrymdyq sherý jasady. Onda kúshter men quraldardy qoldanýdy uıymdastyrý máseleleri pysyqtalyp, arnaıy oqý-jaýyngerlik mindetter oryndaldy. Áskerlerdiń áreketterin ushqyshsyz ushý apparattary men radıotehnıkalyq quraldar basqardy.
О́ńirlerdegi tekserýdiń negizgi kezeńderi Bas shtab bastyǵy general-leıtenant Murat Bektanovtyń jeke baqylaýynda.