QR IIM avarııalylyq deńgeıdi turaqtandyrý maqsatynda júıeli negizde jol qaýipsizdigin qamtamasyz etýge baǵyttalǵan is-sharalar keshenin júzege asyrady. Eń aldymen, joldarda baqylaý kúsheıtildi. Bul týraly Ortalyq kommýnıkasııalar qyzmeti alańynda ótken brıfıngte QR IIM Ákimshilik polısııa komıteti tóraǵasynyń orynbasary Serik Túsipov málimdedi.
Onyń aıtýynsha, eyl basynan beri polısııa qyzmetkerleri jol qozǵalysy erejelerin buzýdyń 3 mln-nan astam deregin anyqtady.
"119 myń jaıaý júrginshi ákimshilik jaýapkershilikke tartyldy, kólikti mas kúıde júrgizgen 13 myń júrgizýshi ustaldy. Sot sheshimimen 15,2 myń júrgizýshini kólikti basqarý quqyǵynan aıyrdy, 12,5 myń adam ákimshilik qamaýǵa alyndy", - dedi S.Túsipov.