Ortalyq kommýnıkasııalar qyzmeti alańynda ótken brıfıngte QR IIM Ákimshilik polısııa komıteti tóraǵasynyń orynbasary Serik Túsipov avtomatty «polıseıler» týraly aıtyp berdi. Onyń sózine qaraǵanda, Jol qozǵalysy erejelerin buzýdy tirkeıtin avtomatty júıelerdi engizý jol qozǵalysyna qatysýshylardyń tártibin nyǵaıtýǵa yqpal etedi.
«Qazirgi ýaqytta respýblıka joldarynda barlyǵy 11 myńǵa jýyq osyndaı júıe jumys istep tur. Tehnıkalyq baqylaý quraldarynyń kómegimen respýblıka boıynsha jyl saıyn 1,2 mln buzýshylyq anyqtalady, bul jol qozǵalysy erejelerin buzýdyń 40%-yn quraıdy, bıýdjetke 7 mlrd teńgeden astam qarjy óndirilip alynady. Olar jol qozǵalysyn qadaǵalaýda jáne oǵan qatysýshylardyń tártibin arttyrýda óz tıimdiligin dáleldedi», - dedi tártip saqshysy.
Biraq tártiptiń saqtalýyn mashınalar ǵana baqylamaıdy. Patrýldik polısııa narıadtary kólik aǵyny kúshti jáne apattylyq deńgeıi joǵary bolatyn neǵurlym kúrdeli ýchaskelerde jumys isteıdi.
Eldi mekenderde 2 myńnan astam marshrýt ázirlendi, al qala syrtyndaǵy avtojoldarda patrýldeýdiń 211 baǵyty ázirlendi. Múddeli memlekettik organdarmen birlesip, turaqty túrde jedel-profılaktıkalyq is-sharalar ótkiziledi. Atap aıtqanda, «Avtobýs», «Qaýipsiz jol», «Boryshker» jáne t.b.